Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

26 դեկ 2016 20:26

Ժամանակակից բանակների զինվորն իր վրա պետք է ունենա 70-80 աքսեսուար, այն դեպքում, երբ հայ զինվորն ունի հազիվ 25-30. Տեսանյութ

Հայացք մամուլի ակումբում Վան գործողության հրամանատար, Արցախյան ազատամարտի մասնակից Վազգեն Սիսլյանը և ՀՀ պետական կառավարման ակադեմիայի  կառավարման հոգեբանության ամբիոնի վարիչ, պրոֆեսոր Ռուբեն Աղուզումցյանը խոսեցին ռազմական ուժերի գործունեության, ազգ-բանակ-հասարակություն մոտեցման շուրջ:

Ռուբեն Աղուզումցյանը նշեց, որ զինուժը մեր պետության կարևորագույն բաղադրիչն է, հասարակության անբաժան մի մասը՝ այն ինչ տեղի է ունենում հասարակությունում, առավել արտահայտված տեղի է ունենում նաև բանակում. «Զինուժում այս տարի կատարված փոփոխությունները թույլ տվեցին տեսնել առավել վառ բացթողումները: Վաղուց ասվում էր, այդ թվում՝ նախագահի կողմից, որ մեր ամենաթույլ կողմերից մեկը կառավարման գիտական բացատրության բացակայությունն է: Գտնվեցին ղեկավարներ, որոնք, փաստորեն իրավունք չունեին կառավարելու, և այդ կառավարումը ոչ միշտ էր բերում դրական արդյունքի: Կառավարութան անհաջող ռազմավարությունը զինուժում առավել արտահայտիչ է լինում: Սա նշանակում է, որ ոչ արդյունավետ մարդկանց կողմից կառավարումը բանակում կարող է բերել և բերում է թերությունների: Մենք ֆորմալ ենք մոտենում հայրենասիրական դաստիարակությանը, բացի այդ՝ շատ են մարդիկ, ովքեր լոկ հայրենասիրական խոսքեր են շռայլում՝ շոշափելի որևէ գործ չկատարելով»,- ասաց բանախոսը:

Վազգեն Սիսլյանն էլ նկատեց, որ այս տարի բանակի համար միայն վնասների տարի էր. «Ապացույցն այն է, որ իշխանությունը բաց է թողել բանակը: Ադրբեջանը դիմեց ագրեսիայի, ինչը ցույց տվեց, թե որքան անտեսված է հայ զինվորը: Ժամանակակից բանակների զինվորն իր վրա պետք է ունենա 70-80 աքսեսուար, այն դեպքում, երբ հայ զինվորն ունի հազիվ 25-30 աքսեսուար:  Ինչ վերաբերում է 1000 դրամների նախագծին, ապա դա ոչ թե լավ միտք է, այլ կառավարության հերթական մուրացկանությունը: Այս իրավիճակը ցույց է տալիս, որ ժողովուրդը պետության համար միայն փողի աղբյուր է: Կողմ եմ զոհվածների ընտանիքներին և վիրավորներին օժանդակելուն, բայց դա պետության գործն է: Դեռ նախագիծը չմեկնարկած՝ բոլորն արդեն մտածում են՝ տեսնես այս անգամ ով է փողերն ուտելու»,- նշեց բանախոսը:

Վազգեն Սիսլյանը նաև կարծիք հայտնես, որ պետություն-ժողովուրդ կապը չկա: Նա  հիշեց  նաև «Սասնա ծռերի»  դեպքը. «Այսօր ոչ թե խորացել ենք բանակաշինության խնդրի մեջ, այլ ներքին զորքերի: Ոստիկանին դեմ չեմ, բայց նա պետք է պաշտպանի հայ քաղաքացուն, ոչ թե երեխաների ասած «բոբո ձաձան» դառնա»: 


Մեկնաբանություններ


Համընկնող լուրեր