ԼՂ-ում հնարավոր է լայնածավալ ռազմական գործողություն
Լեռնային Ղարաբաղում լայնածավալ ռազմական գործողությունների վերսկսման հավանականությունը 2017-ին կպահպանվի, նշված է ԱՄՆ ազգային հետախուզության տնօրեն Դենիել Քոութսի՝ կոնգրեսին ներկայացված զեկույցում:
Փաստաթղթում Հայաստանի և Ադրբեջանի մասին հատվածում նշված է. «Անջատողական Լեռնային Ղարաբաղ շրջանի շուրջ Հայաստանի և Ադրբեջանի միջև լարվածությունը սրվեց 2016-ի ապրիլին: Երկու կողմում էլ փոխզիջումների գնալու ցանկության բացակայությունը և ներքին ճնշումների ավելացումը վկայում են, որ լայնածավալ ռազմական գործողությունների վերսկսման հավանականությունը 2017-ին կպահպանվի: Ադրբեջանում շարունակվող տնտեսական ճգնաժամը մարտահրավեր է իշխանության համար և այնտեղ այլախոհության ճնշումները կաճեն: Միաժամանակ երկիրը փորձում է հավասարակշռել Ռուսաստանի, Իրանի և Արևմուտքի հետ հարաբերությունները»:
