Ապրիլի 18-ին երկար ժամանակով կդադարեցվի բազմաթիվ հասցեների էլեկտրամատակարարումը          Օդի ջերմաստիճանը կբարձրանա 8-10 աստիճանով․ ինչ եղանակ է սպասվում առաջիկա օրերին       Ադրբեջանի և ՌԴ-ի բարձրագույն ղեկավարությունը որոշում են կայացրել ԼՂ-ից խաղաղապահների վաղաժամ դուրսբերման մասին    

26 մայիս 2017 14:00

Միջադեպ Ժիրայր Սեֆիլյանի գործով նիստի ժամանակ. Նիստը հետաձգվեց

Երեւանի Շենգավիթ վարչական շրջանի ընդհանուր իրավասության դատարանում այսօր՝ մայիսի 26-ին, Ժիրայր Սեֆիլյանի, Գեւորգ Սաֆարյանի եւ մյուսների գործով մեկնարկած  դատական առաջին նիստը դեռ նորս սկսված հետաձգվեց: Նիստը անցկացվել է դատարանի ապակեպատ դահլիճում եւ նիստերի դահլիճում նստածները չեն կարողացել լսել, թե ինչ են խոսում դատավորն ու փաստաբանները, ինչն էլ վրդովեցրել է ներկաներին: Հավաքվածներն ամբողջ ընթացքում վանկարկում էին «Մահ ռեժիմին», «Ազատություն քաղբանտարկյալներին»: Ավելի ուշ փաստաբանները պարզաբանեցին, որ նիստը հետաձգվել է, քանի որ ոչ բոլոր փաստաբաններն են ներկա եղել: Ժիրայր Սեֆիլյանին մեղադրանք է առաջադրվել Քրեական օրենսգրքի 35-225-րդ հոդվածի 1-ին մասով, 35-219-րդ հոդվածի 3-րդ մասի 1-ին կետով: Նա կալանավորված է: 

Նշենք, որ Ժիրայր Սեֆիլյանը մեղադրվում է զանգվածային անկարգություններ կազմակերպելու եւ զենքի գործադրմամբ շենքեր, շինություններ զավթելու նախապատրաստության մեջ: Հոդվածներից յուրաքանչյուրը նախատեսում է մինչեւ 10 տարվա ազատազրկում:

Մեկնաբանություններ


Համընկնող լուրեր