Այրվող տակառներ՝ փողոցում․ Ամանորյա ավանդույթները Շոտլանդիայում

 

Ամանորի գիշերը Շոտլանդիայի փողոցներում պետք է շատ զգույշ լինել, քանի որ սա տարվա մեջ միակ գիշերն է, երբ փողոցներով այրվող տակառներ են գլորում՝ սա խորհրդանշում է անցնող տարին։
Իսկ շոտլանդական Սթոունհեվեն քաղաքում Նոր տարվա գիշերը մարդիկ փողոցներում քայլում են՝ հսկայական այրվող գնդերը գլխավերեւում պտտելով՝ այն խորհրդանշում է արեւը, որը կմաքրի գալիք տարին։
Եվս մեկ հետաքրքիր ավանդույթ կա։ Ամանորից առաջ ընտանիքիք բոլոր անդամները կանգնում են վառվող բուխարիի կողքին, իսկ հենց Ամանորն ազդարարող զանգերը ղողանջում են, տան մեծը բացում է դուռը, ընդ որում՝ լուռ։ Այսպիսով նրան հրաժեշտ են տալիս անցնող տարուն եւ ներս թողում նոր տարուն։
Շոտլանդացիները հավատում են, որ նա, ով առաջինը ներս կմտնի, կարող է կանխորոշել՝ տարին հաջող լինի, թե ոչ։