12:59 - Մարդկությունն իր բնականոն կյանքին դեռ երկար չի վերադառնա.25 տոկոսը նույնիսկ չգիտեն, որ վարակված են         12:39 - Փաշինյանի ահաբեկչական քայլերն իրենց նպատակին ծառայել են.գործ ունենք ահաբեկված դատական համակարգի հետ      12:16 - ՌԴ-ից բերված Covid-19-ի շարժական լաբորատորիան այսօր կընդունի առաջին նմուշները. 5 ժամ անց կլինեն պատասխանները    

24 դեկ 2019 18:05

Ամանորի խորհուրդը հայկական ավանդական մշակույթով. Լուսանկարներ, Տեսանյութ

Ամանորի խորհուրդը հայկական ավանդական մշակույթով. Լուսանկարներ, Տեսանյութ
Hayacq.com-ի ամանորյա հարցազրույցը քանոնահարուհի Մարիաննա Գևորգյանի հետ:
 
-Ամփոփենք 2019թ-ը, ինչպիսի՞ն էր այն քանոնահարուհի Մարիաննա Գևորգյանի համար:
 
-Բավականին բարդ ու դժվար տարի էր, օրերն եմ հաշվում, թե, երբ պետք է ավարտվի:
Չնայած բոլոր անհաջողություններին ու խոչընդոտներին բավականին հագեցած մշակութային կյանքով լի տարի եմ ունեցել: Բազմաթիվ համերգային ծրագրեր ու մշակութային երեկոներ, մենահամերգ հասցրեցի իրագործել:
 
-Ի՞նչ խորհուրդ ունի Ամանորը Ձեզ համար: Որտե՞ղ և ինչպե՞ս եք սիրում դիմավորել Ամանորը:
 
-Ամանորը իմ ամենասիրելի ընտանեկան տոներից է, որին պատրաստվում եմ մեծ խանադավառությամբ: Ես կողմ եմ ավանդական տարբերակին՝ ընտանիքի անդամներով նշելուն: Ինձ համար տոնը սկսվում է, երբ  ընտանիքով զարդարում ենք եղևնին: Առաջին խաղալիքը ամրացնելիս եղևնուն՝ երազանք եմ պահում: Շատ եմ սիրում ամանորյա եռուզեռը, այս տոնին մի կախարդական երևույթ կա՝  բոլորը բարի ու երջանիկ են:
 
-Ունե՞ք նախընտրելի ամանորյա ուտեստ, որը ինքներդ եք պատրաստում:

-Ամենաշատը սիրում եմ ամանորյա խոհանոցը, հատկապես մեր հայկական կոպեկով գաթայի քաղցր և անուշ բույրը: 
Ոտեստներից նախընտրում եմ դոլման, որը մեծ սիրով պատրաստում եմ: Շատ եմ սիրում, երբ սեղանը առատ ու լի է, մեր ազգային ավանդական խոհանոցը, դա էլ է մշակույթ:
 
-Ի՞նչ սովորություններ ունեք տոնի հետ կապված, որոնք արդեն ավանդույթ են դարձել:
 
-Մեր ընտանեկան սովորույթներից է, առավոտյան գնում ենք եկեղեցի մոմ վառում, աղոթում, այնուհետև պարտադիր ծաղիկներ  գնում և բարձր տրամադրությամբ շարունակում տոնական օրը: 
Ամանորից առավել ինձ համար մեծ խորհուրդ ունի Սուրբ Ծնունդը, քանի որ մենք առաջին քրիստոնյա ազգն ենք: 
 
-Իսկ ամանորյա երազանքներ պահո՞ւմ եք, հավատո՞ւմ եք հրաշքների:

-Այո, իհարկե, երազանքներ պարտադիր պահում եմ, նույնիսկ նամակ եմ գրում Ձմեռ պապիկին և մեծ  հավատով սպասում, երբ պետք է իրականանան: Ինձ համար դա է ամանորյա հեքիաթի հրաշքը:
 
-Ձեր ամանորյա մաղթանքը:

-Շատ կցանկանամ, որ հայ ժողովուրդը ապրի բարեկեցիկ ու բարեկիրթ երկրում, մեր երկրի սահմաններն էլ միշտ անառիկ լինեն:
Ամանորի խորհուրդը հայկական ավանդական մշակույթով. Լուսանկարներ, Տեսանյութ
Ամանորի խորհուրդը հայկական ավանդական մշակույթով. Լուսանկարներ, Տեսանյութ
Ամանորի խորհուրդը հայկական ավանդական մշակույթով. Լուսանկարներ, Տեսանյութ

Hayacq.com

Մեկնաբանություններ

Համընկնող լուրեր