ՄԻՊ ներկայացուցիչներն այցելել են Արմեն Բիլյանին և Սմբատ Բարսեղյանին
Այսօր՝ հունվարի 13-ի վաղ առավոտից Մարդու իրավունքների պաշտպանի ներկայացուցիչները գտնվում են «Դատապարտյալների հիվանդանոց» և «Նուբարաշեն» ՔԿՀ-ներում:ՄԻՊ-ից հայտնում են, որ այցերը նպատակ ունեն տեսակցել Արմեն Բիլյանին և Սմբատ Բարսեղյանին, ստուգել նրանց պահման պայմաններն ու առողջական վիճակը:
Այցի արդյունքներ հիման վրա կներկայացվեն լրացուցիչ տեղեկություններ:
Արմեն Բիլյանը շուրջ 22 օր հացադուլի մեջ գտնվելուց հետո, նախօրեին դադարեցրել է հացադուլն ու «Նուբարաշեն» ՔԿՀ-ից տեղափոխվել «Դատապարտյալների հիվանդանոց» ՔԿՀ: Արմեն Բիլյանը պահանջում էր իրեն բժշկական հետազոտությունների ենթարկել, եւ բուժվել քաղաքացիական հիվանդանոցում, քանի որ ունի առողջական լուրջ խնդիրներ՝ կապված նյարդերի հետ, բացի այդ, նա պահանջում է իրեն «Նուբարաշեն» ՔԿՀ-ից տեղափոխել «Արմավիր» ՔԿՀ: Արդարադատության քրեակատարողական վարչությունից էլ հայտնել էին, որ Արմեն Բիլյանի՝ հացադուլ հայտարարելու եւ իրեն «Արմավիր» ՔԿՀ տեղափոխելու պահանջը հիմնազուրկ է:
