Ճրագալույցի Սբ պատարագ Երեւանում
Երեւանի Սուրբ Սարգիս եկեղեցում այսօր՝ մարտի 31-ին, մատուցվում է Ճրագալույցի սուրբ պատարագ:Արարատյան Հայրապետական թեմի առաջնորդանիստ Ս. Սարգիս եկեղեցում Ս. Պատարագը մատուցվում է առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի հանդիսապետությամբ:
Պատարագից հետո Արարատյան Հայրապետական թեմի առաջնորդարանում Տ. Նավասարդ արքեպիսկոպոսի նախագահությամբ կկատարվի տնօրհնեքի արարողություն: Ճրագալույցի Ս. Պատարագից հետո, ավանդույթի համաձայն, հավատացյալներն առաջնորդարանի դահլիճում կշնորհավորեն Հանրապետության նախագահին ու Սրբազան հորը` Ս. Հարության տոնի առթիվ:
Նշենք, որ այսօր Հայաստանի բոլոր եկեղեցիներում մատուցվում է Սուրբ Հարության Ճրագալույցի Ս. Պատարագ: Վաղը՝ ապրիլի 1-ին, Զատկի տոնն է:
