15:30 - Պուտինից ներողություն չեմ խնդրել.Լուկաշենկոն ներողություն է խնդրել Փաշինյանից         14:55 - Ինչու՞ եք վախենում բելառուսներից.Լուկաշենկոն՝ Հայաստանին      14:36 - Լևոն Մնացականյանի խոսքը՝ ուղղված բանակի անձնակազմին    

17 ապր 2018 19:00

Ուշադրություն. 12 նշան, որ երիկամները նորմալ չեն աշխատում

Ուշադրություն. 12 նշան, որ երիկամները նորմալ չեն աշխատումԵրիկամների նորմալ աշխատանքը չափազանց կարևոր է օրգանիզմի համար, սակայն վատ աշխատանքի մասին վկայող նշանները հաճախ կարող են աննկատ մնալ: Brainum.ru-ն ներկայացրել է 12 նշան, որոնք կարող են վկայել երիկամների վատ աշխատանքի մասին:
Մեզի գույնի փոփոխություն: Երիկամները պատասխանատու են մեզի միջոցով անպետք նյութերի դուրսբերման համար: Եթե փոխվել են մեզի գույնը, հոտը, միզարձակման հաճախականությունը, ուշադիր եղեք: Անհրաժեշտության դեպքում խորհրդակցեք մասնագետի հետ:
Քնի հետ կապված խնդիրներ: Եթե երիկամները նորմալ չեն կատարում իրենց աշխատանքը, տոքսինները մնում են օրգանիզմում, ինչը կարող է քնի հետ կապված խնդիրներ առաջացնել:
Արյան բարձր ճնշում: Այս խնդիրը կարող է բազմաթիվ պատճառներ ունենալ, այդ թվում՝ երիկամների վատ աշխատանքը: Արյան բարձր ճնշումը երիկամային անբավարարության ամենատարածված պատճառներից է:
Քոր: Երիկամների միջոցով օրգանիզմից դուրս են գալիս նյութափոխանակության արգասիքները, ավելորդ հեղուկը, երիկամներն օգնում են պահպանել հանքանյութերի անհրաժեշտ մակարդակը: Մաշկի չորությունը, որն ուղեկցվում է նաև քորով, կարող է վկայել այն մասին, որ երիկամները նորմալ չեն աշխատում:
Այտուցներ աչքերի տակ: Երիկամների վատ աշխատանքը կարող է հանգեցնել աչքերի տակ մշտական այտուցների առկայության:
Շնչահեղձություն: Այս նշանը հիմնականում պայմանավորված է սրտի հետ կապված խնդիրներով, սակայն կարող է վկայել նաև երիկամների վատ աշխատանքի մասին:
Մարմնի այտուցվածություն: Եթե երիկամները նորմալ չեն աշխատում, ավելորդ հեղուկն օրգանիզմից դուրս չի գալիս, ինչի հետևանքով կարող են այտուցվել մարմնի տարբեր հատվածներ, առաջին հերթին՝ ոտքերը, ձեռքերը:
Տհաճ հոտ բերանից: Օրգանիզմում տոքսինների կուտակումը կարող է հանգեցնել բերանից տհաճ հոտի առկայության: Եթե բերանում անընդհատ տհաճ հոտ եք զգում, դիմեք մասնագետի օգնությանը:
Ցավ գոտկատեղում: Եթե մեջքին ներքևի հատվածում մշտապես ցավ եք զգում, դա կարող է զգուշացնել երիկամների խնդիրների մասին:
Հոգնածություն: Հոգնածության զգացումը կարող է նկատվել օրգանիզմում տոքսինների կուտակման հետևանքով, քանի որ երիկամներն իրենց աշխատանքը նորմալ չեն կատարում:
Անհանգստություն: Եթե դժվարանում եք կենտրոնացնել ուշադրությունը, անհանգստություն եք զգում, դա կարող է պայմանավորված լինել նրանով, որ ուղեղն անհրաժեշտ չափով թթվածին չի ստանում:
Մրսկանություն: Անեմիայի դեպքում կարող է մրսկանություն նկատվել: Ցրտի զգացում առաջանում է նույնիսկ այն ժամանակ, երբ ջերմաստիճանը նորմալ է: Դա կարող է վկայել այն մասին, երիկամները նորմալ չեն աշխատում:

loading...

Մեկնաբանություններ

Համընկնող լուրեր