Տասը տարի հետո մարդիկ կկարողանան հաղթահարել քաղցկեղն ու ծերացումը
Վիրուսների, քաղցկեղի, ծերացման, ճառագայթման ու ցրտի կողմից անխոցելի բջիջների ստեղծումը հնարավոր կլինի արդեն տասը տարի հետո, հավաստիացնում են Genome Project–ի գենետիկները։Գիտնականները փորձ են իրականացրել աղիքային ցուպիկի բակտերիաների բջիջի վրա։ Մասնագետների խոսքով՝ բակտերիայի գենոմի վրա կատարվել է 321 փոփոխություն, որից հետո բջիջն անընկալունակ է դարձել վիրուսների հանդեպ։ Սակայն, գենետիկները նշում են, որ բույսի կամ կաթնասունի գենոմը վերածրագրավորելու համար ավելի շատ ջանքեր են պահանջվում։
«Մարդու գենի մեջ յուրաքանչյուր սպիտակուցի վերածրագրավորումը 400 հազար փոփոխություն է պահանջում»,- պարզաբանել է Հարվարդի բժշկական դպրոցի պրոֆեսոր Ջորդ Չերչը Stat պորտալին տված հարցազրույցում։
Նա հավելել է, որ քսան հազար մարդկային գեներից անհրաժեշտ է հեռացնել ավելորդ կոդոնները։
Ընդ որում՝ գիտնականները վստահություն են հայտնել, որ ցանկալի արդյունքների կարելի է հասնել արդեն տասը տարի հետո։ Բացի դրանից, գենետիկների խոսքով մարդկային գեները հնարավոր կլինի վերածրագրավորել այնպես, որ մարդիկ անընկալունակ դառնան ճառագայթման, ծերացման ու ցրտի հանդեպ։ Նաեւ հնարավոր է զգալիորեն կրճատել քաղցկեղի առաջացման հավանականությունը։
