Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

05 մայիս 2018 13:32

«Երևան իմ սեր» հիմնադրամին պատկանող տարածքում թափառող շներ են, հարբեցողներ ու մարմնավաճառներ. Կոնդի բնակիչների բողոքը

«Երևան իմ սեր» հիմնադրամին պատկանող տարածքում թափառող շներ են, հարբեցողներ ու մարմնավաճառներ. Կոնդի բնակիչների բողոքըHayacq.com-ի խմբագրություն են դիմել Կոնդի Ս. Հովհաննես եկեղեցու հարակից տարածքի բնակիչները, որոնք իրենց բողոքի ձայն են բարձրացնում, իրենց թաղամասում ստեղծված կարևորագույն խնդրի հետ կապված: 
 
Ստորև ներկայացնում են բողոք-նամակը: 
«Հարգելի Hayacq.com, գրեթե ամեն օր Ձեր կայքի միջոցով ենք հետևում Հայաստանում ծավալվող իրադարձություններին: Մի խնդրի մասին ենք ուզում բարձրաձայնել և որոշեցինք դա անել Ձեր կայքի միջոցով: Ապրում ենք ՍԲ Հովհաննես եկեղեցու հարեվանությամբ: 2013թ-ի հունվարին ՀՀ կառավարությունը Կոնդի ՍԲ Հովհաննես եկեղեցու հարակից տարածքը՝ 1005 քառակուսի մետր մակերեսով, 400 միլիոն դրամ արժեք ունեցող հողամասը նվիրաբերել է «Երևան իմ սեր» հիմնադրամին՝  իբր ինչ-որ հին պատմական շենք պետք է այդ տարածքում վերակառուցեն: Անցել է ավելի քան 5 տարի ու այդ տարածքն այդպես ամայի է մնացել: 
 
Չնայած տարածքը ցանկապատված է, բայց  այդուամենայնիվ, հատկապես երեկոյան ժամերին այդ տարածքի մոտով անցնել ուղղակի հնարավոր չէ, վախենալու է: Այնտեղ թափառող շներ են, հարբեցողներ ու նաև մարմնավաճառներ: Ոչ միայն հարբեցողների և մարմնավաճառների ու նրանց հաճախորդների հայհոյանքներն ենք լսում ու նրանց միջև տեղի ունեցող վեճերը, այլև բազմաթիվ այլ ձայներ: Այսինքն նրանք բոլորն էլ կարողանում են անցնել ցանկապատից այն կողմ:
 
Հիմնադրամի տնօրեն Արշակ Կարապետյանի հետ կապ հաստատել ուղղակի հնարավոր չէ:  Մի քանի լրատվամիջոցների ենք դիմել, բայց լրագրողներն ասում են, որ երբ Արշակ Կարապետյանը լսում է, որ զանգահարողը լրագրող է կամ անջատում է հեռախոսը, կամ ասում՝ հիմա հարմար չէ, զանգեք մի փոքր ուշ: Երբ հետո նորից զանգում են՝ էլ չի պատասխանում զանգերին: Չգիտենք հիմնադրամն առհասարակ նորմալ աշխատակազմ ունի, թե չէ:
 
Դիմել ենք նաև Երևանի քաղաքապետարան, այնտեղից մեզ պատասխանել են, որ 2013թ-ին այդ տարածքը ՀՀ կառավարությունն անվարձահատույց կերպով նվիրել է «Երևան, իմ սեր» հիմնադրամին: Ուստի, այդ տարածքի սեփականատերը հենց այդ կազմակերպությունն է և ցանկացած խնդրի դեպքում պատասխանատու է միայն հիմնադրամի ղեկավարությունը:
 
Խնդրում ենք Ձեզ բարձրաձայնել այս խնդրի մասին, գոնե Ձեր միջոցով հասանելի լինի մեր Ձայնը և խնդիրը լուծվի»,- ասված է հայտարարության մեջ:
 
Հավելենք, որ «Երեւան իմ սեր» հիմնադրամը 2009 թվականին հիմնադրել է ՀՀ ներկայիս նախագահ Արմեն Սարգսյանը:   
Նկարը «Երևան իմ սեր» հիմնադրամի ֆեյսբուքյան էջից:


Մեկնաբանություններ


Համընկնող լուրեր