Տարոն Մարգարյանը արդյո՞ք կհրաժարվել ծառայողական մեքենաներից
Երեւանի քաղաքապետ Տարոն Մարգարյանը չի պատրաստվում հրաժարվել կամ նվազեցնել քաղաքապետարանի հաշվեկշռում գտնվող ծառայողական մեքենաների թիվը: Կառավարության անդամների ծառայողական մեքենաներից հրաժարվելու գործընթացի համատեքստում լրագրողները քաղաքապետից հետաքրքրվեցին՝ պատրաստվո՞ւմ է նման զիջումների գնալ:«Մենք ունենք ծառայություններ, որոնց անհրաժեշտ են մեքենաները՝ աշխատանքների կազմակերպման եւ վերահսկողության համար: Եթե անհրաժեշտություն եղավ, մենք էլ ենք պատրաստ վերանայելու եւ կրճատումներ իրականացնելու»,- ասաց քաղաքապետը:
Կառավարության վերջին նիստում առաջին փոխվարչապետ Արարատ Միրզոյանը եւ փոխվարչապետ Տիգրան Ավինյանը հրաժարվեցին իրենց գրասենյակներին տրամադրված ծառայողական որոշ ավտոմեքենաներից: Ընդհանուր կրճատվեց 5 ծառայողական ավտոմեքենա:
