ԵՄ-ն այս տարի Հայաստանին 36 միլիոն եվրո դրամաշնորհ կտա
Եվրամիությունը 2018 թվականին Հայաստանին տրամադրելու է 36 միլիոն եվրոյի դրամաշնորհ: Այս մասին հայտնել է ՀՀ փոխարտգործնախարար Արմեն Պապիկյանը:Ընդ որում, այս տարվա դրամաշնորհը տրամադրվելու է ավելի մեծ դրամաշնորհային ծրագրի շրջանակներում, համաձայն որի, ԵՄ-ն 2017-20 թվականների ընթացքում ՀՀ-ին է տրամադրելու 176 մլն եվրո:
Փոխարտգործնախարարի խոսքով, սակայն, այս տարվա դրամաշնորհը կարող է և ավելի մեծ լինել:
«Մենք ունենք մի շարք հանձնառություններ՝ մարդու իրավունքներ, բարեփոխումներ տարբեր բնագավառներում: Այս ուղղություններով, եթե կոնկրետ քայլեր ձեռնարկենք, ապա ավելին ավելիի դիմաց սկզբունքը կկիրառվի»,- մասնավորապես, ասել է Պապիկյանը:
