Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

20 հուն 2018 13:33

Մանվելի «սխրագործությունները».Գորիսում փողոցից աղջիկներ են բռնի տարել այնտեղ՝ Մանվելի մոտ, մեկի հայրն էլ կաթվածահար է եղել

Մանվելի «սխրագործությունները».Գորիսում փողոցից աղջիկներ են բռնի տարել այնտեղ՝ Մանվելի մոտ, մեկի հայրն էլ կաթվածահար է եղել«Հայաստանի Հելսինկյան կոմիտեի» նախագահ, իրավապաշտպան Ավետիք Իշխանյանն այսօր լրագրողների հետ հանդիպմանը ներկայացրեց իրենց կառույցի՝ ժամանակին արված զեկույցներից տվյալներ, որոնք վերաբերում են «Երկրապահ կամավորականների միությանը» և վերջինիս նախագահ, գեներալ, Արցախի հերոս Մանվել Գրիգորյանին, որի պահեստներում, հիշեցնենք, ԱԱԾ-ն օրերս աղմկոտ բացահայտումներ արեց. Գրիգորյանը կալանավորված է:


Ավետիք Իշխանյանի խոսքով՝ Էջմիածնում, որի նախկին քաղաքապետ՝ Գրիգորյանի որդի Կարեն Գրիգորյանն օրերս հրաժարական տվեց, Մանվել Գրիգորյանի իշխանությունն այնպիսին էր, որ ով նրան մեքենայով վազանց էր անում, պետք է ծեծ ուտեր, իսկ որ մեքենան գեներալին դուր գար՝ նրանը պետք է լիներ:
«1995թ.-ին, ԵԿՄ-ի առաջին «սխրագործությունը» յոթ կրոնական կազմակերպությունների ծեծուջարդն էր: Անգամ սպանություններ եղան՝ ազգային հողի վրա, իբր նրանք առաքելական չեն, ուստի հայ չեն: Այն ժամանակ ընդդիմադիր քաղաքական ուժերն այդ դեպքը չքննադատեցին՝ մտքում ասելով, որ նրանց հասնում էր»,-պատմեց Ավետիք Իշխանյանը:

Նրա խոսքով, նույն թվականին «սեփական մեթոդներով» ԱԺ ընտրություններ կազմակերպելով հայտնի ԵԿՄ-ականները Ազատության հրապարակում ծեծուջարդ են կազմակերպել, ու էլի ոչ ոք չի պատժվել: «Այդպես շարունակվեց մեր օրերը: Ավելին՝ ասեմ նույն ԵԿՄ-ի եւ Վազգեն Սարգսյանի միջոցով եղավ հեղաշրջում երկրում»,- ասաց Իշխանյանը:
Անդրադառնալով Մանվել Գրիգորյանի գործունեությանը՝ Ավետիք Իշխանյանը մի դեպք պատմեց. «Գորիսում 1990-ականներին, երբ նա ապրում էր հայտնի գեներալի տանը, փողոցից աղջիկներ են բռնի տարել այնտեղ: Աղջիկներից մեկի հայրը գնացել էր այդտեղ, հորը ծեծել են ու նկուղ գցել, որից հետո նա կաթվածից մահացել է: Այս դեպքերի մասին գիտեր իշխանությունը: Գեներալ Մանվել համբավը հասել էր Եվրոպա: Ցանկացած հայ, որը պետք է Եվրոպայում քաղաքական ապաստան ստանար, բավական է ունենար փոքր կապ գեներալ Մանվելի հետ, ապաստան ստանալու հարցը լուծված էր»:

Իրավապաշտպանի կարծիքով՝ ԵԿՄ-ն պետք է լուծարվի:

Մեկնաբանություններ


Համընկնող լուրեր