Ես չեմ ընդունել Մանե Թանդիլյանի հրաժարականի դիմումը. վարչապետ
Կառավարության այսօրվա նիստում վարչապետ Նիկոլ Փաշինյանն անդրադարձավ աշխատանքի և սոցիալական հարցերի նախարար Մանե Թանդիլյանին: Նա հիշեցրեց, թե Մանե Թանդիլյանը հրաժարականի դիմում էր գրել: «Մենք քննարկումների արդյունքում համատեղ որոշել ենք, որ պետք է շարունակենք համատեղ աշխատանքը և պետք է նաև համատեղ աշխատենք այն խնդրի վերաբերյալ, որը բուռն քննարկման տեղիք է տալիս: Ինչպես պայմանավորվել ենք նախկինում, նաեւ տնտեսական զարգացման եւ արդարադատության նախարարների հետ պետք է աշխատենք այդ համակարգի շուրջ», – նշեց նա: 
