Կախաղանի մասին տեսանյութը կցվել է Մանվել Գրիգորյանի քրեական գործին. տեսանյութ
![Կախաղանի մասին տեսանյութը կցվել է Մանվել Գրիգորյանի քրեական գործին. տեսանյութ Կախաղանի մասին տեսանյութը կցվել է Մանվել Գրիգորյանի քրեական գործին. տեսանյութ](https://hayacq.com/uploads/posts/2018-06/medium/1529676476_qoedciqmxjwmcqtmaylq.jpg)
Արդյոք տարածված տեսանյութերը իրապես կապ ունե՞ն Մանվել Գրիգորյանի և նրա աշխատակիցների հետ, և արդյոք դրանք կարո՞ղ են դառնալ Մանվել Գրիգորյանի նկատմամբ հարուցված քրեական գործով ուսումնասիրության առարկա՝ Factor.am-ը փորձեց պարզել ՀՀ գլխավոր դատախազությունից։ Մեր հարցերին ի պատասխան ՀՀ Գլխավոր դատախազությունից տեղեկացրին, որ իբրև Մանվել Գրիգորյանի հրամանով կախաղան բարձրացված ազատամարտիկի մասին տեսանյութը Դատախազությունն ուղարկել է Հատուկ քննչական ծառայություն: «Այդ տեսանյութը կցվել է Մանվել Գրիգորյանի նկատմամբ հարուցված քրեական գործին և դառնալու է ուսումնասիրության առարկա, իսկ ինչ վերաբերում է տարածված երկրորդ տեսանյութին, ըստ որի, քաղաքացին ծակում է գեներալին սպասարկող մեքենաների ճանապարհին կայանված ավտոմեքենայի անիվները, այդ տեսանյութը քրեական գործին չի կցվել և չի ուսումնասիրվի»,- ասաց Դատախազության հանրային կապերի բաժնի պետ Արևիկ Խաչատրյանը։