Ես ու Մանվելը թշնամական հարաբերություններ ունենք իրար հետ. Մանվել Գրիգորյանի եղբորորդի
Մանվել Գրիգորյանի հայրենի Արշալույս գյուղի բնակիչները արդեն 4-րդ օրն է՝ բողոքի ակցիա են անում: Նրանք պահանջում են ՀՀԿ-ական համայնքապետ Զարզանդ Գրիգորյանի հրաժարականը, որը նաեւ Մանվել Գրիգորյանի եղբորորդին է:Գյուղացիներն այսօր փակել էին միջհամայնքային եւ գյուղ մտնող բոլոր ճանապարհները: Նրանց խոսքով՝ համայնքապետը ահաբեկել է գյուղացիներին եւ խլել է նրանց ունեցվածքը:
Արդյո՞ք ՀՀԿ-ական համայնքապետը հրաժարական կտա, ՀԺ պարզեց Զարզանդ Գրիգորյանից:
- Պարոն Գրիգորյան, Արշալույս համայնքի բնակիչները ձեր հրաժարականն են պահանջում, չե՞ք պատրաստվում հրաժարական տալ:
- Վաղը ես ասուլիս եմ տալու ժամը 18:00-ին, եկեք Արշալույս գյուղ մանրամասն կներկայացնեմ ձեզ: Ես վաղը իմ ասուլիսի ժամանակ կխոսեմ նաեւ գեներալ Մանվելի հետ կապված: Ես 10 տարուց ավել գեներալ Մանվելի հետ կապ չունեմ, մենք թշնամական հարաբերություններ ունենք իրար հետ, չնայած արյունակցական կապին, դա ես չեմ ժխտում: Իմ հայրը իր մեծ եղբայրն է:
