«Հայաստան» համահայկական հիմնադրամի տնօրենը գրավի դիմաց ազատ արձակվեց
«Հայաստան» համահայկական հիմնադրամի տնօրեն Արա Վարդանյանն ազատ է արձակվել դատարանի դահլիճից: Նրա նկատմամբ որպես այլընտրանքային խափանման միջոց է կիրառվել մեկ միլիոն դրամ գրավը:Այս մասին մեր զրույցում ասաց Վարդանյանի պաշտպան Լուսինե Սահակյանը: Քննիչը այսօր նրան կալանավորելու միջնորդություն էր ներկայացրել դատարանին, սակայն չէր առարկել, որպեսզի Վարդանյանի նկատմամբ գրավ կիրառվի:
Արա Վարդանյանը ձերբակալվել էր հուլիսի 2-ին յուրացումներ կատարելու, ինչպես նաեւ հասարակական կազմակերպության ծառայողի կողմից լիազորությունները չարաշահելու կասկածանքով:
