Այսօրվանից բոլոր ցանկացողները կարող են ստանալ նույնականացման քարտեր (ID). Խնդիրը արդեն լուծված է. Մնացական Բիչախչյան
ՀՀ ոստիկանության անձնագրային և վիզաների վարչության պետ Մնացական Բիչախչյանը Hayacq.com-ի հետ զրույցում, նշեց, որ այսօրվանից բոլոր ցանկացողները կարող են դիմել ՀՀ ոստիկանության
անձնագրային և վիզաների վարչության տարածքային կենտրոններ և ստանալ նույնականացման
քարտեր (ID): Արդեն սպասված խմբաքանակը Հայաստանում է: Հիշեցնենք, որ մի քանի ամիս
շարունակ, ՀՀ քաղաքացիները նույնականացման
քարտեր(ID) չէին կարողանում ձեռք բերել, ինչը քաղաքացիների մոտ դժգոհության ալիք էր
բարձրացրել, իսկ ՀՀ ոստիկանության անձնագրային և վիզաների վարչությունից էլ նշում էին,
որ խնդիրը տպագրության հետ է կապված:
Նույնականացման քարտեր տրամադրվում էին բացառապես
խիստ անհրաժեշտության՝ հատկապես, ՊԵԿ էլեկտրոնային հաշվետվություններ ներկայացնելու
համար:
Արդեն խնդիրը լուծված է և այսօրվանից
բոլոր քաղաքացիները կկարողանան ձեռք բերել
նույնականացման քարտեր (ID):
