18:07 - Տեսանյութ. Քաշքշոցներ ու հայհոյանքներ՝ Սպիտակցի Հայկոյի մասնակցությամբ         17:45 - Տեսանյութ. Վերադարձիր, թե չէ կկախվեմ. ինքնասպանություն Շիրակի մարզում      17:15 - Ճրագալույցի Սուրբ պատարագ Երևանում /Ուղիղ միացում/    

11 օգոս 2018 12:20

Բոլորը բռնվելու են և դատվեն, մի քանդեք ձեր երեխայի ապագան

Բոլորը բռնվելու են և դատվեն, մի քանդեք ձեր երեխայի ապագան
Երկրում ամեն ինչ որոշողը քաղաքացին է, սակայն քաղաքացին պետք է իմանա, թե ինքն ինչ պետք է որոշի: Այսօր՝ օգոստոսի 11-ին, Իջևանում հայտարարեց ՀՀ վարչապետ Նիկոլ Փաշինյանը՝ հավելելով, որ ճիշտ որոշումներին հետևում է ճիշտ արդյունք, իսկ սխալ որոշումներին՝ սխալ արդյունքներ:
«Հայաստանի Հանրապետությունում պետք է բացառվի ընտրակաշառքով ընտրելը: Ով ընտրակաշառքով ձայն է տալիս, քանդում է իր երեխայի ապագան: Հայաստանում բոլոր ընտրակաշք տվողները բռնվելու են և դատվեն: Հետո չասեք՝ վայ քաղաքական հետապնդում է: Բոլորը բռնվելու են և դատվեն»,-ասաց վարչապետը:

Փաշինյանի խոսքերով, քաղաքացին պետք է թույլ չտա, որ ընտրակաշառք բաժանողները շենքից ներս մտնեն. «Փողով ընտրություն առնողները պետք է քաղաքականությունից դուրս մղվեն: Որովհետև փողով ընտրություն կատարելով, մի կիլո բրնձով ընտրություն կատարելով՝ դուք այդ մարդկանց լիազորում եք ձեզ թալանել: Մի թույլ տվեք, որ ձեզ թալանեն հետո էլ գնան այդ թալանած փողերով ֆեյքեր բացեն իրենց պաշտպանելու համար: Կենդանի մարդ չկա նրանց պաշտպանելու համար, դա կարող են անել միայն ֆեյքերը, կամ նրանք, ում վրա կոմպրամատ ունեն»:
Իր խոսքի վերջում Փաշինյանը չմոռացավ կրկնել, որ բոլորին սիրում է ու հպարտ է բոլորով, ինչին հաջորդեցին «Նիկոլ, Նիկոլ» վանկարկումները:

Մեկնաբանություններ

Համընկնող լուրեր