Հնարավո՞ր է տարբերակ, որ ՀԱՊԿ գլխավոր քարտուղարի պաշտոնում նշանակվի ոչ Հայաստանի ներկայացուցիչը
Հայաստանի կողմից Հավաքական անվտանգության պայմանագրի կազմակերպության գլխավոր քարտուղարի փոխարինման գործընթաց սկսելուն հաջորդել է կազմակերպության տարբեր հարթակներում խորհրդակցությունների փուլ:Օգոստոսի 28-ին կայացած ճեպազրույցի ընթացքում այս մասին ասաց ՀՀ արտաքին գործերի նախարարի մամուլի խոսնակի ժամանակավոր պաշտոնակատար Աննա Նաղդալյանը՝ պատասխանելով հարցին, թե ի՞նչ փուլում է ՀԱՊԿ գլխավոր քարտուղարի փոփոխման գործընթացը: «Խորհրդակցություններն ընթանում են ըստ գործող կանոնակարգերի կոնսենսուսային լուծումներ գտնելու, ինչպես նաև այդ կանոնակարգերը հստակեցնելու ուղղությամբ»,- ասաց Նաղդալյանը:
Անդրադառնալով հարցին՝ հնարավո՞ր է տարբերակ, որ ՀԱՊԿ գլխավոր քարտուղարի պաշտոնում նշանակվի ոչ Հայաստանի ներկայացուցիչը՝ Աննա Նաղդալյանը հիշեցրեց, որ 2015թ. ՀԱՊԿ գագաթնաժողովի ժամանակ կազմակերպության 6 պետությունները կոնսենսուսի հիման վրա կայացրել են որոշում, որ գլխավոր քարտուղարի պաշտոնը կզբաղեցնեն անդամ պետությունների ներկայացուցիչները՝ ռոտացիոն կարգով՝ ըստ ռուսական այբուբենի: «Ըստ այդ կարգի ՀԱՊԿ գլխավոր քարտուղարի պաշտոնը երեք տարի ժամկետով ամրագրել է Հայաստանը և համապատասխանաբար Հայաստանը ներկայացրել է իր թեկնածուին, իսկ ՀԱՊԿ շրջանակներում բոլոր որոշումները կայացվում են կոնսենսուսի հիման վրա»,- մանրամասնեց Նաղդալյանը:
Եթե դիտարկվի Ադրբեջանի անդամակցության հարցը Հավաքական անվտանգության պայմանագրի կազմակերպությանը (ՀԱՊԿ-ին), Հայաստանը կօգտագործի վետոյի իր իրավունքը, ասաց Աննա Նաղդալյանը:
Անդրադառնալով դիտարկմանը, որ հնարավոր անդամակցության մասին պարբերաբար հայտարարվում է Ադրբեջանի տարբեր շրջանականերում, այդ թվում՝ մամուլում՝ Ա. Նաղդալյանն ասաց.
«Վերլուծական շրջանակներում քննարկումներ տեղի են ունենում, բայց վերլուծական շրջանակներում քննարկումները իրականացվում են ինչ-որ ենթադրյալ տեղեկատվության հիման վրա: Բարձրաձայնեմ ՀՀ ԱԳՆ պաշտոնական դիրքորոշումը ևս մեկ անգամ՝ եթե նման հարց դիտարկվի, Հայաստանը կօգտագործի վետոյի իր իրավունքը», — ասաց Աննա Նաղդալյանը:
Անդրադառնալով դիտարկմանը, որ հնարավոր անդամակցության մասին պարբերաբար հայտարարվում է Ադրբեջանի տարբեր շրջանականերում, այդ թվում՝ մամուլում՝ Ա. Նաղդալյանն ասաց.
«Վերլուծական շրջանակներում քննարկումներ տեղի են ունենում, բայց վերլուծական շրջանակներում քննարկումները իրականացվում են ինչ-որ ենթադրյալ տեղեկատվության հիման վրա: Բարձրաձայնեմ ՀՀ ԱԳՆ պաշտոնական դիրքորոշումը ևս մեկ անգամ՝ եթե նման հարց դիտարկվի, Հայաստանը կօգտագործի վետոյի իր իրավունքը», — ասաց Աննա Նաղդալյանը:
