Տեսանյութ.Այսօր մեր ժողովրդի համար ամոթալի ու խայտառակ օրերից մեկն է, անգամ 20 օր Փաշինյանի՝ երկրի ղեկավար մնալը վտանգավոր է
«Ուժեղ Հայաստան» կուսակցության առաջնորդ, վարչապետի թեկնածու Սամվել Կարապետյանը հանդես է եկել հրատապ ուղերձով:«Այսօր մեր ժողովրդի համար ամոթալի ու խայտառակ օրերից մեկն է։ Վարչապետի պաշտոնը դեռ զբաղեցնող Փաշինյանը չափազանց լկտի, անհավասարակշիռ վերաբերմունք է ցուցաբերել մեր երկրի քաղաքացիների նկատմամբ։ Ժողովրդին իր նախընտրական ծրագրերը ներկայացնելու փոխարեն, Փաշինյանը ձեռքերին ազատություն է տվել։ Անգամ 20 օր Փաշինյանի՝ երկրի ղեկավար մնալը վտանգավոր է։
Մեր բոլոր հակառակորդները տեսնում են, թե հոգեկան ինչ անհավասարակշիռ վիճակում է գտնվում մեր երկրի ժամանակավոր ղեկավարը։ Նրա յուրաքանչյուր օրը վարչապետի պաշտոնում թուլացնելու է մեր երկիրը։ Մարդ, որ ասում էր՝ 3 միլիոն վարչապետ կա երկրում, կորցրել է իր ինքնատիրապետումը: Փաշինյանը խայտառակում է ոչ միայն մեր պետությունը, այլև հայի, հայ ժողովրդի, հայ տղամարդու կերպարը։ Մենք դա թույլ չենք տալու։ Հունիսի 7-ին մեր ժողովուրդը վերջ կտա ազգային խայտառակությանը»,-նշել է նա։
