Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

08 սեպ 2018 19:00

Ինչո՞ւ են մոծակները միշտ նույն մարդկանց խայթում

Երբևէ մտածե՞լ եք, որ մոծակները թիրախավորված կերպով միայն Ձեզ են խայթում՝ ցավոտ այտուցներ առաջացնելով ողջ մարմնի վրա, իսկ Ձեր ընկերներին անգամ չեն էլ մոտենում:
Իրականում դա Ձեր երևակայության արդյունքը չէ: Հետազոտությունների ընթացքում ապացուցվել է, որ մոծակներն իսկապես ունեն նախընտրություններ, երբ բանը հասնում է արյունը ծծելու համար մարդկանց ընտրելուն:
Ֆլորիդայի համալսարանի պրոֆեսոր Ջերի Բաթլերը հայտնել է, որ «10-ից 1 մարդ է «գերում» մոծակներին»:
Իրականում մոծակները արյունը չեն ծծում սնունդ ստանալու նպատակով: Միայն էգ մոծակներն են խայթում մարդկանց, քանի որ նրանք մարդկանց արյան մեջ գտնվող պրոտեինների կարիք ունեն ձվեր դնելու ու նոր մոծակներ ծնելու համար:
Մոծակների կողմից մարդուն խայթելը 85%-ով կախված է վերջինիս գենետիկական հատկանիշներից:

Առաջին կարգի արյուն ունեք

Արյան որոշ կարգեր ավելի քաղցր են, քան մյուսները: Ուսումնասիրության ընթացքում պարզ է դարձել, որ 1-ին կարգի արյուն ունեցող մարդկանց 83%-ից ավելի հավանականությամբ են խայթում մոծակները: 2-րդ կարգի արյուն ունեցող մարդկանց ավելի հազվադեպ են խայթում, իսկ 3-րդ կարգի արյուն ունեցող մարդկանց՝ միջին հաճախականությամբ:

Մարմնի մեծ չափեր ունեք
Սա կապված է Ձեր նյութափոխանակության մակարդակի կամ ածխածնի երկօքսիդի հետ, որն արտադրում է օրգանիզմն էներգիա այրելով: Մոծակներն օգտագործում են ածխածնի երկօքսիդը իրենց թիրախն ընտրելու համար ու կարողանում են զգալ դրա առկայությունը անգամ 50 մետրից:
Մարմնի մեծ չափեր ունեցող մարդիկ ավելի շատ էներգիա են այրում ու ավելի շատ ածխածնի երկօքսիդ անջատում, որն էլ պատճառն է այն բանի, որ մոծակները նախընտրում են խայթել մեծահասակներին, այլ ոչ երեխաներին: Նրանք նաև ավելի շատ թիրախավորում են տղամարդկանց, քան կանանց, քանի որ հիմնականում տղամարդիկ առավել մեծ չափերի մարմին են ունենում:

Դուք հղի եք

Աֆրիկայում արված հետազոտությունները ցույց են տվել, որ հղի կանանց մոծակները երկու անգամ ավելի շատ են կծում, քան ոչ հղիներին, քանի որ նրանք ավելի շատ CO2 են արտադրում: Հղիության վերջին փուլերում գտնվող կանայք 21%-ով ավելի շատ են արտադրում CO2՝ մոծակների համար էլ ավելի «գրավիչ» դառնալով:

Դուք մարմնամարզությամբ եք զբաղվում կամ ֆիզիկապես ծանրաբեռնում եք Ձեզ
Մոծակներին գրավում է կաթնաթթուն, որը մարմինն առաջացնում է ֆիզիկական աշխատանքից հետո քրտինք առաջացնելու հետևանքով, հետևաբար մոծակները հաճախ խայթում են նրանց, ովքեր վազել են կամ մարմնամարզությամբ են զբաղվել: Դրանից հետո մարմնի ջերմաստիճանը ևս բարձրանում է, որը նույնպես նպաստում է մոծակների խայթմանը:
Գարեջուր կամ մի գավաթ գինի եք ըմպել
Ալկոհոլի օգտագործումը բարձրացնում է նյութափոխանակության մակարդակը, որն էլ թիրախ է հանդիսանում մոծակների համար:

Կարմիր կամ մուգ գույնի հագուստ եք կրում
Բացի հոտից՝ մոծակները նաև հենվում են իրենց տեսողության վրա: Կարմիրը նրանց համար հիմնական թիրախ է, ինչպես նաև մուգ գույները, ինչպիսիք են սևն ու կապույտը:
Ֆլորիդայի համալսարանի պրոֆեսոր Ջոնաթան Դեյը հայտնել է. «Մոծակները խնդիր ունեն անգամ ամենաթույլ քամու ժամանակ թռչելու, հետևաբար նրանք հնարավորինս մոտ են թռչում գետնին: Թիրախ ընտրելն ավելի հեշտ է, եթե այն մուգ գույն ունի, քանի որ բաց գույներն այնքան էլ լավ չեն երևում:
Ձեր մարմնի որոշ քիմիական նյութեր իսկապես գրավում են մոծակներին
Մարդիկ, որոնց օրգանիզմը որոշակի թթուներ է արտադրում, օրինակ՝ կաթնաթթու, ուրիկաթթու և/կամ մաշկի մակերևույթին ունեն ստերոիդների ու խոլեստերինի բարձր կոնցենտրացիա, գրավում են մոծակներին: Լոնդոնի Հիգիենայի ու արևադարձային բժշկության դպրոցում անցկացված հետազոտությունը ցույց է տվել, որ մարդիկ, որոնց ավելի հազվադեպ են խայթում, մոծակների համար «այլ հոտ» ունեն՝ գրեթե տհաճ բույր:

Մեկնաբանություններ


Համընկնող լուրեր