17:00 - ԿԳՍՄ ճշմարտախոս նախարարին.Քահանան՝ Արայիկ Հարությունյանի հայտարարության մասին. Դատարկաբանություն է         16:34 - Ընդամենը մի հոգու կապրիզ.Ոստիկանությունն էնքան մելչնիկ է, որ աղջկա շփոթած նախադասությունից է կախվում      16:10 - Ջրում հայտնված երեխային փրկելու համար 10 անհետ կորածների հարազատները եկել են «մահվան լողափ»՝ հույսով, որ ծովը ափ կհանի մարմինները    

12 սեպ 2018 13:27

«Էրեբունի» բժշկական կենտրոնում քաղցկեղով հիվանդ կինն առողջ տղա երեխա է ունեցել.հույս է ներշնչում, որ քաղցկեղը հաղթահարելի է

«Էրեբունի» բժշկական կենտրոնում քաղցկեղով հիվանդ կինն առողջ տղա երեխա է ունեցել.հույս է ներշնչում, որ քաղցկեղը հաղթահարելի էԵրևանի «Էրեբունի» բժշկական կենտրոնում քաղցկեղով հիվանդ կինն առողջ երեխա է ունեցել:
Այս մասին ֆեյսբուքի իր էջում տեղեկացնում է ԵՊԲՀ ռեկտոր Արմեն Մուրադյանը: 26-շաբաթական հղիության ընթացքում 35-ամյա կնոջը բժիշկները կրծքագեղձի երրորդ աստիճանի քաղցկեղ էին ախտորոշել: «Էրեբունի» բժշկական կենտրոնում նրա ու երեխայի կյանքը պահպանելու համար աշխատել է բժշկական երկու թիմ՝ մանկաբարձ-գինեկոլոգները՝ ծննդատան տնօրեն Անդրանիկ Պողոսյանի գլխավորությամբ եւ ուռուցքաբան-քիմիաթերապեւտները՝ բաժանմունքի վարիչ Հայկուհի Գյոքչյանի ղեկավարությամբ:

Քանի որ պտուղը դեռեւս կենսունակ չէր, անհրաժեշտ էր որոշ ժամանակ եւս պահպանել հղիությունը, մյուս կողմից՝ բուժումը չսկսելը կնոջ կյանքը կորցնել կնշանակեր: Եվրոպական ուղեցույցներին համապատասխան, Հայկուհի Գյոքչյանը սկսել է բուժումը՝ քիմիաթերապիայի հատուկ երեք կուրսերով: Իսկ երբ արդեն հղիությունը հասել է 35-շաբաթականի՝ կատարվել է կեսարյան հատում: Տղան, որ կնոջ 4-րդ երեխան է, ծնվել է 3 կգ քաշով եւ լիովին առողջ: Հիվանդն այժմ բուժման առավել ագրեսիվ կուրս է 4-րդ քիմիաթերապիայի կուրսից հետո նրան կվիրահատեն: Իսկ հղիության ընթացքում օրգանիզմը լավ է արձագանքել քիմիաթերապիային, ուռուցքը փոքրացել է, իսկ այլ օրգաններում մետաստազներ չկան: Բժիշկներին այս ամենը հույս է ներշնչում, որ քաղցկեղը հաղթահարելի է:

Մեկնաբանություններ

Համընկնող լուրեր