«Աստղիկ» բժշկական կենտրոնից նետված տղամարդու ինքնասպանության պատճառը. Նա հիվանդասենյակում կնոջ հետ է եղել          Ուղղաթիռը ղեկավարում էր փորձառու սպան, պայթյունի պահին 2 ուղևորները բարձրությունից ընկել են. ողջ մնացածները պատմում են Ադրբեջանում կործանված ուղղաթիռի մասին       Էս ի՞նչ է կատարվում, Ստալի՞ն ես դառել, Նիկո՛լ, ով ես դու արա, չես մարսելու այս ապօրինի կալանավորումներն ու դավադրությունները    

13 սեպ 2018 14:20

ՀՀԿ-ն հասավ իր նպատակին. որոշումն ընդունվեց

ՀՀԿ-ն հասավ իր նպատակին. որոշումն ընդունվեց«ԱԺ կանոնակարգը սահմանափակում ունի քննիչ հանձնաժողով ստեղծելու, որովհետև սահմանափակման մեջ գրված է, որ չի կարող ստեղծվել, եթե նախաքննություն է ընթանում»,- դիմելով հանրապետականներին՝ ասաց «Ելք» խմբակցության պատգամավոր Էդմոն Մարուքյանը: «Այո, մենք տիրապետում ենք օրենքին: Մենք միայն ասում ենք՝ այդ հանգամանքները հիմք են հանդիսացել. եթե ԱԱԾ, ՀՔԾ պետերի հեռախոսազրույցի գաղտնիությունը խախտվել է, դա հիմնավոր կասկածի տեղիք է տալիս ցանկացած քաղաքացու՝ արդյոք իր պաշտպանությունը պատշաճ իրականացվա՞ծ է»,- արձագանքեց Գևորգ Կոստանյանը:
Հիշեցնենք՝ Աժ-ում քննարկվում է ԱԱԾ տնօրենի և ՀՔԾ պետի հեռախոսազրույցի հարցով քննիչ հանձնաժողով ձևավորելու հարցը:
Դիտարկում հնչեցրեց Ալեն Սիմոնյանը. «Նախ ձայնագրություններ չի, մեկ ձայնագրություն է, ուզում եք անունը դրեք տանձ կամ խնձոր, նույն հարցն եք քննարկելու, որի հետ կապված քր. 2 գործ է հարուցված, ուստի հանձնաժողով չի կարող ստեղծվել»:
Ավելի ուշ ելույթ ունեցավ ԱԺ փոխնախագահ Էդուարդ Շարմազանովը. «Գևորգ Կոստանյանը հստակ տվեց բոլոր հարցերի պատասխանները ու տարակուսելի է իշխանության իմ գործընկերների հայտարարությունները: ԱԺ-ն պետք է ունենա հստակ կեցվածք ու գործառույթ, դրա համար քննիչ հանձնաժողով ստեղծելու իրավունք է տրվել մեզ: Եթե այս գործը լիներ մեկ տարի առաջ, օդ կհանեիք պառլամենտին, դուք կասեիք հանձնաժողով ստեղծել, ի՞նչ ա փոխվել՝ իրողությո՞ւն»:
Ելույթ ունեցավ նաև «Ծառուկյան» խմբակցության պատգամավոր Վահե Էնֆիաջյանը՝ դիմելով ՀՀԿ-ին. «Քրեական գործ է հարուցվել, ի՞նչ ենք քննարկում, ի՞նչի մասին է խոսքը գնում, օրենք մի խախտեք, հարգելի գործընկերներ»:
Ի վերջո, ՀՀԿ-ն հասավ իր նպատակին. ձայների 47 կողմ, 14 դեմ հարաբերակցությամբ որոշման նախագիծն ընդունվեց: Հանձնաժողովի կազմում են ընդգրկվելու 5 անդամ ՀՀԿ խմբակցությունից, 3 անդամ` «Ծառուկյան» դաշինքից, 2-ը՝ «Ելք»-ից և 1-ը՝ ՀՅԴ-ից:

Մեկնաբանություններ

Համընկնող լուրեր