17:20 - Կոտայքի մարզում տաք հետքերով հայտնաբերել են զինված ու դիմակավորված ավազակային հարձակում կատարողներին         16:39 - Մկնդեղով, կադմիումով և դիօքսիններով աղտոտվածությունը՝ Ալավերդիում և Ախթալայում. ԷկոԼուր      16:15 - Ֆրանսիայում պղծել են Հայոց ցեղասպանության զոհերի հիշատակին կանգնեցված խաչքարը    

17 սեպ 2018 12:02

ԲՀԿ-ն բազում տեսանելի եւ անտեսանելի կոալիցաների մեջ է եղել ՀՀԿ-ի հետ

ԲՀԿ-ն բազում տեսանելի եւ անտեսանելի կոալիցաների մեջ է եղել ՀՀԿ-ի հետՄեր ցուցակում կա Միքայել Հասրաթյան, բայց նա կապ չունի Միքայել Մինասյանի քեռու տղայի հետ: Այս մասին ԱԺ ճեպազրույցների ժամին  ասաց ԵԼՔ խմբակցության ղեկավար Լենա Նազարյանը:
«Տիկին Զոհրաբյանը նաեւ նշեց մեկ անձի մասին, որը Զորի Բալայանի բարեկամն է: Մենք պատկերացում չունենք, թե ում մասին է խոսքը: Վիկտոր Մնացականյանը Միքայել Մինասյանի սանիկն է, նա շատ ակտիվ մասնակցել է հեղափոխության օրերին տեղի ունեցող ակցիաներին: Կան դրա տեսանյութերը: Հայտնի ակցիան՝ գորգերով, որն Աբովյան փողոցում տեղի ունեցավ, դրա հեղինակը նա էր»,- ասաց նա:
Լենա Նազարյանը  նշեց, որ Մնացականյանը Մինասյանի սանիկն է եղել այն ժամանակներից, երբ Մինասյանը հայտնի «դեմք» չի եղել: «Այդ մարդը Երեւանում հայտնի է իր բարեգործական եւ զարգացման ծրագրերով:
 
Լենա Նազարյանը իր խոսքում նշեց, որ ապրիլի 17-ին Ծառուկյանի դաշինքը 9 պատգամավոր կողմ է եղել Սերժ Սարգսյանի վարչապետությանը: «Այդ կուսակցությունը մի քանի անգամ կոալիցիա է կազմել ՀՀԿ-ի հետ: 2008 թվականի մարտին՝ Մարտի 1-ից 20 օր հետո, կոալիցիա են կազմել ՀՀԿ-ի հետ: Տիկին Զոհրաբյանը կողմ է եղել 2008 թվականի Մարտի 1-ին Երեւանում արտակարգ դրություն մտցնելուն: ԲՀԿ-ն բազում տեսանելի եւ անտեսանելի կոալիցաների մեջ է եղել ՀՀԿ-ի հետ: Այս ամենից հետո իրենք մեզ մեղադրում են ՀՀԿ-ի հետ համագործակցության մեջ»,- ասաց Նազարյանը եւ ընդգծեց՝ հույս ունեն, որ Նաիրա Զոհրաբյանի այն հայտարարությունը, թե իրենց համար Սերժ Սարգսյանն ու Ռոբերտ Քոչարյանը գոյություն չունեն, իսկապես արվում է վերջին անգամ:

Մեկնաբանություններ

Համընկնող լուրեր