Այսօր իրավիճակը կախված է Մոսկվայից, թեև Երևանն ամեն ինչ անում է գործընթացն արևմտյան հարթակ տեղափոխելու համար          Թուրքիայում վիճակը բավականին ծանր է հատկապես քրդաբնակ շրջաններում       Թուրքիայում զոհերի թիվն աճում է. Ափամերձ գոտին ջրի տակ է անցել. Թուրքիայի Իսկենդերունի բնակիչներին տարհանում են    

20 սեպ 2018 14:42

Սիդորով. ՀԱՊԿ-ի ուժային ներուժը չի կարող կիրառվել, քանի որ Հայաստանի կողմից դիմում չի եղել

Սիդորով. ՀԱՊԿ-ի ուժային ներուժը չի կարող կիրառվել, քանի որ Հայաստանի կողմից դիմում չի եղելՀԱՊԿ-ի Միացյալ շտաբի պետ Անատոլի Սիդորովը հույս ունի, որ հայ-ադրբեջանական սահմանին իրավիճակը խաղաղ կարգավորում կստանա: Այսօր «Russia Today» գործակալության կողմից կազմակերպված տեսակամուրջի ընթացքում Սիդորովը, պատասխանելով սահմանին իրավիճակի սրման վերաբերյալ հարցին, նշել է, որ կողմերն իրենք են կարգավորում իրավիճակը:
«Հայաստանը ՀԱՊԿ-ին չի դիմել: Հետեւաբար, ՀԱՊԿ-ի ուժային ներուժն ըստ էության չի կարող կիրառվել: Հուսով ենք, որ կողմերն ինքնուրույն կլուծեն խնդիրը եւ ցանկալի է, որ դա արվի խաղաղ ճանապարհով», - ասել է Անատոլի Սիդորովը:

Իր հերթին ՀԱՊԿ մամուլի քարտուղար Վլադիմիր Զեյնետդինովը նշել է, որ նախօրեին Հայաստանի ԱԳՆ մամուլի քարտուղար Տիգրան Բալայանը իրավիճակի վերաբերյալ հայտարարությամբ էր հանդես եկել՝ ասելով, որ ԵԱՀԿ Մինսկի խմբի համանախագահները եւ ԵԱՀԿ գործող նախագահի անձնական ներկայացուցիչը տեղեկացվել են, սակայն Հայաստանը չի դիմել ՀԱՊԿ-ին: «Ես կարծում եմ, որ հարցը սրանով փակված է», - ասել էր նա:

Մեկնաբանություններ


Համընկնող լուրեր