Այս ձայների սեփականատերը` Նիկոլ Փաշինյանն է. էլեկտորատի պասիվության պատճառով ուժերը ձայներ չհավաքեցին
«Ես կարծում եմ, որ ընտրությունների արդյունքի գործում մեծ դեր խաղաց այն 50 տոկոսը, ովքեր չհավատացին, որ կարող են փոփոխություններ բերել և պասիվություն ցուցաբերեցին»,- նշել է «Ռեֆորմիստներ» կուսակցության առաջնորդ Վահան Բաբայանը: Բաբայանի խոսքով` ձայների մեծ մասը տրվել է` Նիկոլ Փաշինյանին.«Ես չեմ համարում, որ Հայկ Մարությանն է այս ձայները տարել, այս ձայների սեփականատերը` Նիկոլ Փաշինյանն է»: Անդրադառնալով իրենց կուսակցության շանսերին Բաբայանը նշեց, որ այս անգամ իրենց կուսակցության էլեկտորատը ավելի պասիվ էր .«Մեր էլեկտորատը ավելի քիչ հավատ ունեցավ այդ փոփոխությունների հանդեպ և ոչ միայն մեր, այլ նաև մի շարք կուսակցությունների, ովքեր ունեին կայուն էլեկտորատ և միայն պասիվության պատճառով ձայներ չհավաքեցին»: Վահան Բաբայանը հավատում է իր հիմնադրած կուսակցության գաղափարներին և նշում, որ պարտադիր մասնակցելու են առաջիկա խորհրդարանական ընտրություններին։
