Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

10 հոկ 2018 12:07

ՏԵՍԱՆՅՈՒԹ. Պարտավոր ենք երևանցիների բոլոր հույսերն արդարացնել. Մեր խմբակցությունում այնքան ընդդիմադիրներ կան, որ ուրիշ ընդդիմության կարիք էլ չունենք

Երևանի ավագանու առաջին նիստի ընթացքում «Իմ քայլը» դաշինքի ընտրական ցուցակի առաջին համար Հայկ Մարությանն օրենքի ուժով ստանձնեց Երևանի քաղաքապետի պաշտոնը:

Երևանի քաղաքապետ Հայկ Մարությանը շնորհավորեց ներկաներին Երևանի ավագանու առաջին նիստի կապակցությամբ: Նա ընդգծեց, որ շատ հուզիչ պահ է, իսկ ինքը երջանիկ է, որ ավագանու անդամները ներկայացնում են Երևանի բնակիչներին, ինչը տեղի է ունեցել ազատ, արդար և թափանցիկ ընտրությունների միջոցով: «Մենք բոլորս միասին ունենք պատմական հնարավորությունի կատար ածել այն բոլոր երազանքները, որ տարիներ շարունակ ունեինք, ի կատար ածել այն երազանքները, որ ունեն մեր երևանցիները: Եվ ես վստահ եմ, որ ավագանու այս կազմով մենք կանենք այնպես, որ մեր երևանցիները ամեն օր, ամեն ժամ ու ամեն վայրկյան ժպտան: Ես կարևորում եմ այս պահը: Երևանի ավագանու կազմը ես ըստ խմբակցությունների չեմ տարբերակում, որովհետև մենք բոլորս պետք է աշխատենք միասին, պետք է ամեն վայրկյան մտածենք մեր քաղաքի, մեր երևանցիների մասին»,- ասաց նա:

Մեր խմբակցությունում այնքան ընդդիմադիրներ կան, որ ուրիշ ընդդիմության կարիք էլ չունենք: Այս մասին նորընտիր ավագանու առաջին նիստից առաջ լրագրողների հետ կարճատև զրույցում ասաց Հայկ Մարությանը: «Ես վստահեցնում եմ բոլորին, ովքեր ասում են՝ ընդդիմություն չի լինելու ավագանիում, մեր ֆրակցիայում այնքան ընդդիմություն կա, որ ուրիշ ընդդիմության կարիք էլ չունենք: Բայց ընդդիմություն կա, և կապ չունի ընդդիմադիր ֆրակցիաների մարդկանց թիվը: Անգամ մեկ հոգի որ լիներ, մենք անպայման շատ ուշադիր լսելու էինք: Եվ եթե լավ առաջարկ լինի, հետաքրքիր առաջարկ լինի, մենք անպայման ի կատար ենք ածելու դա»,- վստահեցրեց նա: Հայկ Մարությանն ավագանու նիստին եկել է շատ լավ, աշխատանքային տրամադրությամբ, մի փոքր էլ հուզված: «Իհարկե՝ հուզված եմ, որովհետև առաջին աշխատանքային օրն է»,- լրագրողների հարցերին ի պատասխան՝ ասաց նա: Իսկ ավագանու առաջին նիստին 58 անդամ է մասնակցում: Նիստը բացեց ավագանու անդամ Լիլիթ Պիպոյանը, հնչեց Երևանի օրհներգը, ինչից հետո ավագանին անցավ օրակարգային հարցերի քննարկմանը: 

Մեկնաբանություններ


Համընկնող լուրեր