Հայտնի են Երևանի փոխքաղաքապետերի անունները
Երևանի քաղաքապետարանի պաշտոնական էջում քիչ առաջ հրապարակվեցին փոխքաղաքապետեր նշանակելու վերաբերյալ որոշման նախագծերը։Ըստ այդմ, առաջարկվում է քաղաքապետի տեղակալներ նշանակել Հայկ Սարգսյանին, Սերգեյ Հարությունյանին, Տիգրան Վիրաբյանին։ Քաղաքապետի առաջին տեղակալ կնշանակվի Երևան քաղաքի ավագանու անդամ Հրաչյա Սարգսյանը։
Հիշեցնենք, որ հոկտեմբերի 29-ին Երևանի քաղաքապետարանում կայանալու է ավագնու արտահերթ նիստ, որտեղ էլ վերջնականապես նշանակումները տեղի կունենան:
