17:02 - Միջադեպ Թուրքիայի խորհրդարանում.Կարո Փայլանը Սոյլուին նմանեցրել է Հիմմլերի հետ         16:39 - Տեսանյութ. Վահե Էնֆիաջյանի կոշտ պատասխանը ադրբեջանցի պատվիրակներին՝Քաղաքական սադրանք՝ դուք եք անում,Արցախի հարցը դե ֆակտո լուծված է      16:10 - Զարհուրելի վթար Երեւանում. BMW-ն հայտնվել բեռնատար ЗИЛ-ի տակ. BMW-ն բաժանվել է մի քանի մասի. կա 1 զոհ, 1 վիրավոր    

27 հոկ 2018 14:26

Վիգեն Սարգսյանի և իմ գնահատականներն ընդհանրապես չեն համընկնում.Արարատ Միրզոյանի արձագանքը՝ ՊՆ նախկին նախարարի քննադատությանը

Վիգեն Սարգսյանի և իմ գնահատականներն ընդհանրապես չեն համընկնում.Արարատ Միրզոյանի արձագանքը՝ ՊՆ նախկին նախարարի քննադատությանը   «Վիգեն Սարգսյանի և իմ գնահատականներն ընդհանրապես չեն համընկնում: Կան ՀՀԿ կուսակցությունից կամ խմբակցությունից մարդիկ, որոնց հետ զանազան հարցերում իսկապես համաձայն ենք, բայց Վիգեն Սարգսյանի հետ որևէ կերպ չենք կարողանում համաձայնել»,- լրագրողների հետ զրույցում այսօր ասաց ՀՀ առաջին փոխվարչապետ Արարատ Միրզոյանը՝ անդրադառնալով պաշտպանության նախկին նախարար Վիգեն Սարգսյանի  ֆեյսբուքյան գրառմանը: Հիշեցնենք, որ Վիգեն Սարգսյանը քննադատել էր նոր իշխանությունների արտաքին քաղաքականությունը. «Արտաքին քաղաքականության հիմնական պատասխանատուն Դուք եք: Այս ուղղությամբ Դուք հիմա հետևողականորեն ավերում եք այն, ինչ ստեղծվել է տասնամյակներով: Եթե իրավիճակը հրատապ չշտկեք, գործընթացն ինքնուրույն և հմուտ չառաջնորդեք, արհեստավարժների հնարավորությունները շարունակելու են սեղմվել, ինչպես վերջին վեց ամիսների ընթացքում: Իհարկե, լավ է, որ Դուք փորձում եք հասու լինել ժողովրդին, բայց չէ՞ որ Ձեր նախարարները, դեսպանները, խորհրդականները ևս ժողովուրդ են: Մեկ-մեկ էլ նրանց ընդունեք և լսեք»: «Այս հարցում ևս Վիգեն Սարգսյանի կարծիքն ինձ համար ընդհանրապես հիմնավոր չի հնչում, առնվազն  կարող եմ հակառակ պնդումն անել, այնպիսի լավ արտաքին քաղաքական իրավիճակում, ինչպիսին Հայաստանն է հիմա և այնպիսի հաջողված բազմավեկտոր քաղաքականություն, որ ՀՀ-ում հիմա է իրականցվում, երբևէ չի եղել:  Եթե տասնամյակներով կառուցածն այն է, ինչ հիմա կա և ստացել ենք ժառանգություն, այդ թվում՝ արտաքին քաղաքական ոլորտում, ապա կա´մ լավագույն ջանքերը չեն գործադրվել, կա´մ, եթե գործադրվել են, ապա անհրաժեշտ հմտությունները չեն եղել, որ արդարացնեն սպասելիքները, մի խոսքով, տխուր է պատկերը բոլոր ոլորտներում»,- ասաց Արարատ Միրզոյանը: 


Մեկնաբանություններ

Համընկնող լուրեր