Ինչպե՞ս են համաներման ենթարկվողները հատուցելու տուժողների վնասները
ԱԺ-ում ընթացող համաներման մասին օրինագծի քննարկման ժամանակ ՀՀԿ խմբակցության անդամ Ալիկ Սարգսյանը հարց է տվել հիմնական զեկուցող արդարադատության նախարարի պաշտոնակատար Արտակ Զեյնալյանին, թե ինչպես պետք է հատուցվեն համաներման ենթարկվող անձանց կողմից տուժածների վնասները:
Արտակ Զեյնալյանն ասել է, որ եթե չկա վնասի հատուցման հայց, ապա դա կատարման ենթակա չէ: Այն դեպքում, երբ անձը պատիժը կրել է, սակայն դեռևս չի հատուցել վնասը, պետությունը հնարավորություն է տալիս պատիժը կրելուց հետո աշխատել և ժամանակի ընթացքում հատուցել, միաժամանակ ԴԱՀԿ-ին հնարավորություն է տրվել հատուցել վնասը: