2019 թվականին արտաքին պարտքը կկազմի շուրջ 6 մլրդ 953 մլն դոլար
Մշտական հանձնաժողովների համատեղ նիստում ՀՀ Ազգային ժողովում քննարկվում է «Հայաստանի Հանրապետության 2019 թ. պետական բյուջեի մասին» օրինագիծը։ Հիմնական զեկուցող ՀՀ ֆինանսների նախարարի պաշտոնակատար Ատոմ Ջանջուղազյանը նշեց, որ 2019 թվականի համար կանխատեսվող 4,9 տոկոս տնտեսական աճը շարունակում է մնալ ակտուալ։Նախարարի պաշտոնակատարն ասաց, որ խոշորացված խմբերի ծախսերը ներկայացնելով՝ դրանք կարելի է բաժանաել ընդհանուր նշանակության պետական ծառայությունների, որոնք շուրջ 761 մլրդ դրամ են, տնտեսական ծառայությունների՝ շուրջ 162 մլրդ դրամ և սոցիալական ծառայությունների, որոնք կազմում են 707 մլրդ դրամ։ Պետական պարտքի հետ կապված Ջանջուղազյանն ասաց, որ ակնկալվում է պարտքային գործառնությունների արդյունքում 2019 թվականին մեր պարտքի մեծությունը կկազմի շուրջ 6 մլրդ 953 մլն դոլար կամ համախառն ներքին արդյունքի 49,7 տոկոսը։
