Ավելի քան 1տրիլիոն դոլար կպահանջվի Ուկրաինայի վերականգնման համար          Հիվանդագին սպասում կա, որ «աշխարհը կդատապարտի ադրբեջանական ագրեսիան, և ամեն ինչ կվերադառնա հայանպաստ հուն», չի լինելու դա       ԿԻնը բուժվել է թոքերի քաղցկեղից ախտորոշումից ընդամենը մի քանի ժամ անց    

05 նոյ 2018 18:50

ՀԱՊԿ փաստաթղթերում Հայաստանի ներկայացվածության վերաբերյալ փոփոխություններ կընդունվեն

Հոկտեմբերի 8-ին ՀԱՊԿ Հավաքական անվտանգության խորհրդի նիստի ընթացքում նախատեսվում է հանդես գալ համատեղ հայտարարությամբ, որով սկիզբ կդրվի զինված ահաբեկչական խմբերի կազմում մարտերին մասնակցած կամ ահաբեկչություններ իրականացրածների դեմ գործողությունների համատեղմանը։ Այս մասին հայտարարել է Ղազախստանի ԱԳՆ ներկայացուցիչը, փոխանցում է ՏԱՍՍ-ը։
Նիստի ընթացքում կքննարկվեն նաև խնդիրներ, որոնց լուծումները նախաձեռնել է Հայաստանը։ Մասնավորապես խնդիրը վերաբերում է Հայաստանի պաշտոնյաների՝ ՀԱՊԿ նիստերին ներկայանալուն։ Սահմանադրական փոփոխություններից հետո Հայաստանի վարչապետն է երկրի փաստացի ղեկավարը, սակայն հանրապետության գլուխը, ըստ այդ Սահմանադրության, շարունակում է լինել նախագահը։
Այս փոփոխությունները նախաձեռնելու որոշումը ԱԳՆ ներկայացմամբ նախորդ շաբաթ ընդունվեց ՀՀ կառավարության կողմից։ Այն պետք է ուղարկվեր ՀԱՊԿ անդամ մյուս պետությունների հաստատմանը։
ՀԱՊԿ փաստաթղթերում նախատեսված փոփոխությունների համաձայն՝ այսուհետ Հայաստանը ՀԱՊԿ Հավաքական անվտանգության խորհրդում (անդամ պետությունների ղեկավարների ժողովում) կներկայացնի վարչապետը։
Սա վերաբերում է ոչ միայն Հայաստանին, այլև մյուս պետություններին, եթե դրանք ներկայացնելու իրավունքը վերապահված լինի հենց վարչապետին:

Մեկնաբանություններ


Համընկնող լուրեր