21:30 - Մնացականյան-Մամեդյարով հանդիպումը 4 ժամ տևեց․ ի՞նչ են քննարկել         21:10 - «Սուրբ Աստվածամայր»-ի մեկնաբանությունը երեկ տեղի ունեցած՝ երեխայի մահվան դեպքի հետ կապված      20:30 - Ինչի է հանգեցնում առանց ալկոհոլի մեկ ամիսը. գիտնականներ    

23 նոյ 2018 16:13

Տեսանյութ.Եթե վաղը երթին շատ մարդ եղավ Նիկոլ Փաշինյանը սև ու սպիտակ չի անի, եթե քիչ եղավ` կանի

Տեսանյութ.Եթե վաղը երթին շատ մարդ եղավ Նիկոլ Փաշինյանը սև ու սպիտակ չի անի, եթե քիչ եղավ` կանիՀայացք մամուլի ակումբում քաղաքական տեխնոլոգ Կարեն Քոչարյանը և քաղաքական և ընտրական տեխնոլոգիաների փորձագետ Արմեն Բադալյանը խոսեցին, թե  ինչպիսի քարոզարշավ է ակնկալվում:
 
Արմեն Բադալյանը նշեց, որ քաղաքական ուժերն ադեկվատ չեն և քարոզարշավը կրեատիվ չէ. «Շատերը նշում են, որ քարոզարշավը տևելու է ընդամենը 12 օր, բայց, չէ՞ որ ոչ ոք չէր արգելում նոյեմբերի սկզբից, երբ հայտնի դարձավ, որ դեկտեմբերին լինելու են արտահերթ խորհրդարանական ընտրություններ, քարոզարշավ իրականացնել։ Ի՞նչն է խանգարել նրանց։ Քարոզարշավը պարտադիր չէ զուտ քարոզարշավի ձևով անցկացնել, դրա տարբերակները բազմաթիվ են՝ մամուլի ակումբներում, հյուրանոցներում դահլիճների վարձակալություն, քո տեսակետն այս կամ այն հարցի վերաբերյալ ներկայացում, և այլն։ Դա կարելի էր անել, բայց իրենք դա չարեցին: Դա ցույց է տալիս, որ քաղաքական ուժերը դեռևս ադեկվատ չեն, իսկ ոչ ադեկվատից դժվար է ասել, թե ինչ քարոզարշավ կլինի»,- ասաց Արմեն Բադալյանը։
Վաղը Երևանում Փաշինյանի հրավիրած քայլարշավը, ըստ նրա, նույնպես նորմալ է. «Քայլարշավ է անում՝ ուսումնասիրելու, տեսնելու համար, թե հասարակությունն ինչպես է վերաբերվում իր կառավարությանը, կամ ուզում է ուսումնասիրել, թե քաղաքապետն այս 2 ամսվա ընթացքում ինչ է իրականացրել Երևանում իր տված խոստումներից։  Իհարկե, դա նախընտրական թաքնված քարոզարշավ է, բայց դա օրենքի խախտում չէ։ Իսկ ինչ որ օրենքի խախտում չէ, դա նորմալ է։ Եվ դա ցույց է տալիս, որ այս մի ուժը՝ իշխող քաղաքական ուժը, գիտի՝ ինչ է անում, իսկ մյուսները չգիտեն։ Այ, դա պրոբլեմ է»։
 
Կարեն Քոչարյանն էլ գտնում է, որ քաղաքական ուժերը քարոզարշավի համար ունեին ոչ թե 12 օր, այլ տվյալ դեպքում՝ 1 տարի՝ սկսած նախորդ ընտրություններից անմիջապես հետո. «Ինչո՞ւ չես պատրաստվում ընտրություններին, ինչո՞ւ չես ներկայացնում քո մտահոգությունները, գործիքակազմը, որով պետք է հասնես այս կամ այն նպատակին, որը հռչակում ես։ Այնքան բան կա, նստում-ասում են, ասում են՝ 12 օր ա։ 12 օր չի, 5 տարի է, տվյալ պարագայում՝ 1 տարի»,- ասաց նա։
Վաղը Երևանում Նիկոլ Փաշինյանի հրավիրած քայլերթի նպատակը, ըստ Կ.Քոչարյանի, տրամադրություններ ստուգելն է. «Եթե շատ մարդ եղավ, ինքը սև ու սպիտակ չի անի, եթե քիչ եղավ, նորից սև-սպիտակին կանցնի։ Ինքը պարզապես ուզում է հասկանալ ու վերջնական ընտրել այն մարտավարությունը, որ անցկացնելու է այս 12 օրվա ընթացքում։ Համոզված եմ՝ դա է պատճառը»։
Ամբողջական ասուլիսը Hayacq.com-ի տեսանյութում

Մեկնաբանություններ

Համընկնող լուրեր