Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

26 նոյ 2018 17:05

Ընտրությունների արդյունքները միշտ կեղծվել են, մենք վերացրել ենք այդ խնդիրը. Փաշինյանի հարցազրույցը չինական հեռուստաալիքին

Նիկոլ Փաշինյանը հարցազրույց է տվել չինական Phoenix TV հեռուստաալիքին: Հարցազրույցն ուղեկցվում է Հայաստանի մասին ռեպորտաժով:
Նիկոլ Փաշինյանը խոսել է այն պատճառների մասին, որոնք, ի վերջո, հանգեցրին հեղափոխության:
«Գիտե՞ք, կարծում եմ՝ ամենակարևոր գործոնը, որ մեզ բերեց այս հեղափոխությանը, սեփական երկրում հարգված լինելու մարդկանց ցանկությունն էր: Կարծում եմ՝ պետք է, ինչպես հարկն է, հասկանալ, թե մենք ինչ նկատի ունենք, երբ ասում ենք, որ մարդիկ հարգված լինելու ցանկություն ունեն: Ցանկացած երկրում, որտեղ կա կոռումպացված կառավարություն, իհարկե, դա խնդիր է զարգացման, լավ կառավարման համար: Կոռուպցիան ընդհանուր առմամբ անհարգալից դրսևորում է սեփական ժողովրդի նկատմամբ: Կարծում եմ՝ մեր ժողովրդի ցանկությունն էր նախևառաջ սեփական երկրում հարգված լինելը» – ասել է Փաշինյանը:
Լրագրողն այնուհետև Նիկոլ Փաշինյանին հարցրել է նրա կառավարության առաջնահերթությունների մասին: Փաշինյանը նշել է, որ կոռուպցիայի դեմ պայքարից հետո Հայաստանում ներդրումային միջավայրն ավելի գրավիչ կդառնա օտարերկրյա ներդնողների համար:
«Մենք ունեինք տնտեսական մոնոպոլիաներ: Կային մարդիկ, ովքեր ավելի շատ իրավունքներ ունեին, քան մյուսները: Այժմ ես կարող եմ երաշխավորել, որ Հայաստանում օրենքի առաջ բոլոր մարդիկ հավասար են», – շեշտել է Փաշինյանը:
Որպես իր կառավարության հաջորդ առաջնահերթություն՝ Փաշինյանը նշել է երկրում անկախ, արդար և օրենքի շրջանակներում գործող արդարադատության համակարգի ստեղծումը:
Փաշինյանը նաև նկատել է, որ Հայաստանը լուրջ խնդիրներ է ունեցել՝ ընտրությունների արդյունքների հետ կապված:
«Ընտրությունների արդյունքները միշտ կեղծվել են: Մենք, ըստ էության, վերացրել ենք այդ խնդիրը: Ես կարող եմ երաշխավորել, որ որքան ես լինեմ Հայաստանի վարչապետ, մենք նման խնդիր չենք ունենա», – ընդգծել է Փաշինյանը:

Մեկնաբանություններ


Համընկնող լուրեր