Ինչու՞ եք վախենում բելառուսներից.Լուկաշենկոն՝ Հայաստանին
Բելառուսի նախագահ Ալեքսանդր Լուկաշենկոն չի հասկանում, թե ինչու է Հայաստանը դեմ արտահայտվում ՀԱՊԿ գլխավոր քարտուղարի պաշտոնում Բելառուսի թեկնածուի նշանակմանը:«Դա խայտառակություն է, որ մենք չենք կարող ընտրել ՀԱՊԿ-ի գլխավոր պաշտոնյայի», — ասել է Բելառուսի նախագահը ռուս լրագրողների հետ Մինսկում կայացած մամուլի ասուլիսի ժամանակ, հայտնում է «Интерфакс-Запад»-ը:
Ա.Լուկաշենկոն ընդգծել է, որ Հայաստանի իշխանությունները պետք է ընդառաջ գնան ՀԱՊԿ այլ երկրներին, քանի որ հենց Երևանն է «ներքաշել» կազմակերպությանն իր ներքին քաղաքական խնդիրների մեջ:
«Ես ձեզ տալիս եմ գործող պետքարտուղար, երիտասարդ գեներալ (Բելառուսի Անվտանգության խորհրդի քարտուղար Ստանիսլավ Զաս): Խելացի տղա է, մեծ փորձ ունի: Նա պետական քարտուղար է, բոլոր նախագահները գիտեն նրան: Ես այս քայլը կատարում եմ, որ այսուհետև գործող տաղանդավոր գեներալներին նշանակենք` ցույց տալու համար ՀԱՊԿ-ի կարևորությունը», — ընդգծել է Ա.Լուկաշենկոն:
Նա հիշեցրել է, որ առաջարկել է, որպեսզի Ստանիսլավ Զասն այցելի ՀԱՊԿ բոլոր երկրներ, այդ թվում` Հայաստան:
«Եթե դուք պատրաստ եք ընդունել, լսել նրան… Դուք կարող եք չհամաձայնվել, կարող եք հավատարիմ մնալ ձեր սկզբունքներին: Բայց դուք խոսեք նրա հետ: Գուցե նա ձեզ համար ավելի լավ լինի, քան ցանկացած հայ: Ինչու՞ եք վախենում բելառուսներից: Չէ, որ միմյանց օտար չենք», — հավելել է Ա.Լուկաշենկոն:
