22:00 - Օրվա խորհուրդ. Հունվարի 17         21:30 - Մնացականյան-Մամեդյարով հանդիպումը 4 ժամ տևեց․ ի՞նչ են քննարկել      21:10 - «Սուրբ Աստվածամայր»-ի մեկնաբանությունը երեկ տեղի ունեցած՝ երեխայի մահվան դեպքի հետ կապված    

15 դեկ 2018 11:55

ՀՀ վերաքննիչ քրեական դատարանը որոշել է, որ Ռոբերտ Քոչարյանը անձեռնմխելի չէ

ՀՀ վերաքննիչ քրեական դատարանը որոշել է, որ Ռոբերտ Քոչարյանը անձեռնմխելի չէ«Հայկական ժամանակ»-ը գրում է, որ ՀՀ վերաքննիչ քրեական դատարանը՝ դատավոր Ռուբիկ Մխիթարյանի նախագահությամբ, որոշել է, որ Ռոբերտ Քոչարյանը անձեռնմխելի չէ եւ առկա է հիմնավոր կասկած, որ նա կատարել է իրեն վերագրվող գործողությունները:


Այս մասին ասել է Ռոբերտ Քոչարյանի պաշտպաններից Հայկ Ալումյանը՝ անդրադառնալով Վերաքննիչ դատարանի որոշմանը: Հիշեցնենք, որ Վերաքննիչ քրեական դատարանը դեկտեմբերի 7-ին որոշեց անփոփոխ թողնել առաջին ատյանի դատարանի որոշումը, ինչից հետո Քոչարյանը կալանավորվեց: Պաշտպանական կողմն արդեն իսկ ստացել է Վերաքննիչ դատարանի որոշումը:
Հարցին, թե ի՞նչ պատճառաբանություններ է նշել դատարանը որոշման մեջ, Ալումյանը նշել է, որ Վերաքննիչ դատարանը գտել է, որ առաջին ատյանի դատարանի որոշումը կայացված է եղել օրինական ընթացակարգով եւ եղել է հիմնավոր:
«Ըստ էության կրկնել է առաջին ատյանի դատարանի որոշման փաստարկները՝ փոքր ինչ մանրամասներով: Մասնավորապես Վերաքննիչ դատարանը գտնում է, որ Ռոբերտ Քոչարյանը, մնալով ազատության մեջ, կարող է խոչընդոտել քննությանը, որ առկա է հիմնավոր կասկած, որ Քոչարյանը կատարել է իրեն վերագրվող գործողությունները եւ գտնում է, որ պարոն Քոչարյանն այս դեպքում անձեռնմխելի չէ»,- ասաց պաշտպանը:


Ամբողջությամբ կարող եք կարդալ թերթի այսօրվա համարում:

Մեկնաբանություններ

Համընկնող լուրեր