17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)         17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել      16:48 - Մոսկվան Երևանի հետ խմելիք «կենացները թանկացրեց» և Պողոսյանի քրեական գործը քաղաքականացրեց    

18 դեկ 2018 20:05

Կնոջ մատները սեւացել են փոքր կտրվածքից հետո առաջացած փտախտի հետեւանքով

Չինաստանից 53-ամյա կնոջ 8 մատները սեւացել են. մատներն ախտահարել է փտախտը, որը զարգացել է ոչ մեծ կտրվածքի հետեւանքով:
Չինական լրատվամիջոցները հայտնում են, որ որպես տիկին Ժանգ հայտնի կինը տանը մաքրություն կատարելիս պատահաբար կտրել է ձախ ձեռքի մատնեմատը: Քանի որ վերքն աննշան էր, չինուհին դրա վրա առանձնապես ուշադրություն չի դարձրել եւ այն չի ախտահանել:
Երկու օր հետո կտրվածքի շուրջ մաշկը կապտել է, իսկ շուտով նրա ձեռքերի գրեթե բոլոր մատները սեւացել են. փտախտը չի տարածվել միայն ձախ ձեռքի բթի եւ աջի ճկույթի վրա: Կնոջ խոսքով՝ սեւացած հատվածները սկզբում սկսել են քոր գալ եւ չորանալ, հետո ցավել, իսկ դրանից հետո կինն ընդհանրապես դադարել է զգալ իր մատները:
Երբ նա, վերջապես, բժշկի է դիմել, պարզվել է, որ նրա մոտ ինֆեկցիոն փտախտ է զարգացել:
Նման փտախտի պատճառ կարող են լինել Clostridium կարգի անաերոբ բակտերիաները, աղիքային ցուպիկները, աերոբակտերիաները (էնտերոբակտերիաները), ստրեպտոկոկերը եւ Proteus կարգի բակտերիաները: Փտախտը զարգանում է տրավմատիկ վնասվածքների կամ անոթային խախտումների հետեւանքով որեւէ օրգանի կամ մարմնի հատվածի արյան մատակարարման դադարեցման դեպքում: Նման վնասվածք կարող է լինել, փաստորեն, ցանկացած արտաքին ազդեցություն՝ հյուսվածքների ճզմումը, կոտրվածքները, ցրտահարումը, այրվածքները, ինչպես նաեւ այտուցները, որոնք ճնշում են անոթները: Շաքարային դիաբետով հիվանդների դեպքում փոխանակության պրոցեսների խախտումների պատճառով հյուսվածքների մեռուկացումը եւ փտախտը կարող են առաջանալ նույնիսկ միանգամայն ոչ էական քերծվածքներից:
Բարեբախտաբար, չինացի բժիշկներին հաջողվել է հիվանդության զարգացումը կասեցնել եւ ձեռքերի վիճակը լավացնել: Սակայն նրանց խոսքով, հիվանդն, այնուամենայնիվ, պետք է ավելի վաղ դիմեր բժշկի՝ ստացած վերքի հատվածում հայտնված հենց առաջին արտասովոր ախտանիշների դեպքում:

Մեկնաբանություններ

Համընկնող լուրեր