Փորձառու և հեռատես գործիչ, իր երկրի իրական առաջնորդ.Պուտինը Ալիևի ծնունդն է շնորհավորել
Ռուսաստանի Դաշնության նախագահ Վլադիմիր Պուտինը շնորհավորել է Ադրբեջանի նախագահ Իլհամ Ալիևի ծնունդը: Այս մասին հայտնում է Կրեմլի մամուլի ծառայությունը:Այսօր Իլհամ Ալիևը դառնում է 57 տարեկան:
Շնորհավորական նամակում Պուտինը նշել է, որ Ալիևն արժանի հեղինակություն ունի իր հայրենակիցների շրջանում, ինչպես նաև երկրի սահմաններից դուրս: Նրան ընդունում են որպես փորձառու և հեռատես գործչի և իր երկրի իրական առաջնորդի:
Բացի դրանից, Պուտինը բարձր է գնահատել Ալիևի դերակատարումը ռուս-ադրբեջանական ռազմավարական գործընկերության զարգացման գործում՝ հույս հայտնելով, որ երկկողմ հարաբերություններում կառուցողականությունը կշարունակվի:
Պուտինն Ալիևին առողջություն է մաղթել, բարեկեցություն և հաջողություններ պետական գործունեության մեջ:
