Ցավում եմ, որ Դուք այդպիսի ընկերներ ունեք. Փաշինյանը՝ Պուտինին
«Բաղրամյան26» Տելեգրամ-ալիքը ՀՀ վարչապետի պաշտոնակատար Նիկոլ Փաշինյանի և ՌԴ նախագահ Վլադիմիր Պուտինի հանդիպմանն ընդառաջ տեղեկատվություն էր տարածել, որում անդրադարձել էր Պուտին-Փաշինյան հանդիպումներից մեկի ընթացքում տեղի ունեցած դրվագին:Ըստ դրա՝ հանդիպումներից մեկի ընթացքում Պուտինն անդրադարձել է Ռոբերտ Քոչարյանի կալանավորմանը և սկսել է փաստարկներ բերել վերջինիս ազատ արձակման և քրեական հետապնդումը դադարեցնելու օգտին: Փաշինյանն իր հակափաստարկներով ապացուցում էր, որ ամեն ինչ օրենքի շրջանակներում է: Երբ Պուտինի փաստարկներն ավարտվել են՝ նա ասել է. «Հասկանո՞ւմ եք, նա իմ ընկերն է»: Դրան ի պատասխան Փաշինյանն ասել է. «Ցավում եմ, որ Դուք այդպիսի ընկերներ ունեք»:
«Հայկական ժամանակ»-ին հայտնի դարձավ, որ խոսքն ամիսներ առաջ տեղի ունեցած հանդիպման մասին է: Ներկայումս այդ թեման այլևս չի արծարծվում Փաշինյան-Պուտին հանդիպումների ընթացքում:
