Կինը հինգ տարվա ազատազրկման է դատապարտվել՝ տղամարդ ձևանալով ոտնձգություններ կատարելու համար
Իսպանիայում դատարանը Վալենսիայի բնակչուհուն շուրջ հինգ տարվա ազատազրկման է դատապարտել, որը իտալացի երիտասարդի տեսքով ոտնձգություն է կատարել ընկերուհու նկատմամբ, հաղորդում է «ՌԻԱ Նովոստի»-ն:Նա նաև կնոջից գումար է շորթել: Նշվում է, որ աղջիկն իր ծանոթին խորհուրդ է տվել սոցկայքով Իտալիայից երիտասարդի հետ ծանոթանալ:
Իրականում նա ինքն է բացել օգտահաշիվը: Դրանից հետո կինը զոհին ասել է, որ լեյկեմիայով է տառապում, համոզել գումար և երկու սմարթֆոն ուղարկել, ինչպես նաև հագուստ, օդափոխիչ, որն անհրաժեշտ է հիվանդանոցին:
Զոհը գնումների համար առնվազն հազար եվրո է ծախսել, որից հետո նրանք պայմանավորվել են հանդիպել:
Դատապարտյալը նմանակել է տղամարդու ձայնը և իտալական առոգանությունը, իսկ հանդիպման ժամանակ խնդրել է կապել աչքերը՝ իր հիվանդությունը պատճառաբանելով: Հետո նա սկսել է ոտնձգություններ կատարել, ինչի արդյունքում տուժածը փախել է:
