12:37 - Իշխանությունը փողոցում է, բայց «փողոց չկա». պատասխաններ են պահանջելու՝ ո՞վ է մահերի համար պատասխան տալու, իսկ հետո...         12:35 - Չինաստանի դեսպանատունը նախազգուշացնում է՝ Ղազախստանում անհայտ թոքաբորբի դեպքեր են գրանցվել,մահացության մակարդակը զգալիորեն բարձր է, քան COVID-19-ից      12:14 - Համայն Սփյուռքին ոտքի հանեցին իմ դեմ.«Հայ «Ալի Հասանովն» ու խանութից օծանելիք գողացող Սուսոն ևս միացան ինձ ցցի հանելու և այրելու կոչերին    

16 հուն 2019 17:35

Քամին ավերածություններ է պատճառել Գավառ քաղաքում

Հունվարի 15-16-ի ընթացքում Գավառ քաղաքում գրանցված ավերիչ ուժգնության քամիները լուրջ վնասներ են պատճառել Գավառ քաղաքի տնտեսություններին: Ինչպես «Արմենպրես»-ին տեղեկացրին Գավառի քաղաքապետարանից, քամին պոկել եւ ցած է շպրտել Կաբելագործների փողոցի բազմաբնակարան շենքի երկու, Արծվաքար թաղամասի մեկ առանձնատան, սովխոզնիկների թաղամասի 1 անասնագոմի տանիքներ:
«Կաբելագործների բազմաբնակարան մեկ շենքի տանիքն ամբողջովին է քանդված, մյուսը՝ մոտ 70 տոկոսով: Ամբողջովին են քանդված նաեւ Արծվաքարում գտնվող առանձնատան եւ սովխոզնիկների փողոցի անասնագոմի տանիքները:Վնասվել է նաեւ երկու ավտոմեքենա: Բարեբախտաբար, զոհեր կամ վիրավորներ չկան: Այդուհանդերձ, տնտեսություններին հասցված վնասներն էական են: Գավառի քաղաքապետարանում ստեղծված համապատասխան հանձնաժողովը հաշվարկում ու գնահատում է քամու պատճառած վնասների մոտավոր չափերը, որի արդյունքները կներկայացվի մարզային հանձնաժողովի քննարկմանը»,-ներկայացրեց Գավառի քաղաքապետի տեղակալ Գրիգոր Բոշյանը:


Մեկնաբանություններ

Համընկնող լուրեր