Հայաստանի տարածքից ռուսական ռազմական բազայի դուրսբերումն անթուլատրելի է. փորձագետ
Հայաստանի տարածքից ռուսական ռազմական բազայի դուրսբերման մասին խոսակցություններն անթուլատրելի են: Հունվարի 17-ին «Նոյան տապան» գործակալության «Քննարկում» խորագրի եթերում ասաց քաղաքագետ Արմեն Այվազյանը:Նրա խոսքով՝ չլուծված ղարաբաղյան խնդրի պայմաններում, ինչպես նաեւ հաշվի առնելով Հայաստանի դեմ Թուրքիայի տրամադրվածությունը, երկրում խաղաղությունը կարող է ապահովվել միայն ՌԴ հետ միության դեպքում:
«Եթե խոսքը նրա մասին է, որ մենք զիջում ենք մեր ինքնիշխանությունը՝ ՌԴ-ի հետ մտերիմ հարաբերություններ հաստատելով, ապա պետք է հասկանալ, որ ցանկացած դաշնակցային հարաբերություններ փոխադարձ պարտավորություններ են ենթադրում: Այստեղ ռուսական բազայի գտնվելը բխում է Մոսկվայի եւ Երեւանի շահերից: Անհանգստացնում է այն, որ այժմ ՌԴ-ի հետ հարաբերությունններում որոշակի դժվարություններ են ծագել: Կարծում եմ՝ Մոսկվայի հետ մեր համագործակցությունը պետք է ակտիվացնել, հատկապես, փորձի փոխանակման ոլորտում, ինչպես ռազմատեխնիկական բնագավառում», - պարզաբանեց նա:
