18:00 - Իրավիճակը սահմանագոտում         17:18 - Նոր Նորքում թալանված վճարային տերմինալը հայտնաբերվել է Թոխմախի «Աղի Լճեր»-ում      17:16 - Ավելի լավ է ասել, որ լեզվի սայթաքում է եղել. Հայկ Ալումյանը՝ Նիկոլ Փաշինյանի հայտարարության մասին    

23 հուն 2019 16:12

Արդյոք անհրաժեշտ է մարզպետարանների հսկայական աշխատակազմ պահելը. Տեսանյութ

Հայացք մամուլի ակումբում «Տնտեսական իրավունքի կենտրոն» ՀԿ նախագահ, հանրային ֆինանսների կառավարման հարցերով միջազգային փորձագետ Մովսես Արիստակեսյանը խոսեց Հանրային ֆինանսների կառավարման և դրա վերահսկողության մասին:
 
Մովսես Արիստակեսյանը նշեց, որ Հանրային ֆինանսների արդյունավետ օգտագործումը շատ կարևոր է և պետք է ուղղվեն այն նպատակներին, որոնք սահմանվել են. «Այս կառավարության առջև խնդիր է դրված միջոցներ ձեռնարկել հանրային միջոցներն արդյունավետ օգտագործելու համար։ 2019 թվականի բյուջեն արդեն իսկ կազմված է ծրագրային բյուջետավորման ձևաչափով, որը նախատեսում է ծախս կատարելուց հետո հաշվետվություն ներկայացնել՝ արդյունքներն ինչպիսին են եղել։ Այսինքն՝ շատ կարևոր են արդյունքային ցուցանիշները, որոնք մտցված են այս բյուջեի մեջ»,- ասաց Մովսես Արիստակեսյանը։
 
Նա միաժամանակ տեղեկացրեց, որ նամակներ է ուղարկել ԱԺ նախագահ Արարատ Միրզոյանին և ԱԺ ֆինանսավարկային և բյուջետային հարցերի հանձնաժողովի նախագահ Մանե Թանդիլյանին առ այն, որ հանրային միջոցների վրա պետք է հստակ վերահսկողություն սահմանվի։
 
Անդրադառնալով պետական մի շարք պաշտոնյաներին պարգևավճարներ տալու թեմային՝ Մովսես Արիստակեսյանը նկատեց.«Արդյոք անհրաժե՞շտ է մարզպետարանների հսկայական աշխատակազմ պահել: Պետք է օպտիմալացնել մարզպետարանների թվաքանակը կամ էլ մտածել կառավարման այդ համակարգը վերակազմավորելու մասին»,- ասաց նա, հավելելով, որ Հայաստանում գործում է կառավարման 52 մարմին՝ այդ թվում կառավարությանն առընթեր կոմիտեներ, որոնցից որոշները ևս պետք է վերակազմավորել։
Ամբողջական ասուլիսը Hayacq.com-ի տեսանյութում


Մեկնաբանություններ

Համընկնող լուրեր