Պուգաչովայի թոռը երկրպագուներից գումար է խնդրել Լոս Անջելեսում նոր տեսահոլովակ նկարահանելու համար
Երգչուհի Ալլա Պուգաչովայի թոռը՝ Նիկիտա Պրեսնյակովը, որը ևս երգչի կարիերա է սկսել, նոր երաժշտական տեսահոլովակ նկարահանելու հարցում օգնություն է խնդրել ոչ թե ֆինանսապես ապահովված ընտանիքից, այլ երկրպագուներից:Ինչպես նշում է woman.ru-ն, ռոք երաժիշտը դիմել է երկրպագուներին՝ խնդրելով ֆինանսապես օգնել մի քանի տարի առաջ իր կողմից ստեղծված Multiverse խմբին, որը ցանկանում է ԱՄՆ-ում տեսահոլովակ նկարահանել, սակայն բավականաչափ միջոցներ չունի:
Նա մանրամասնել է, որ խումբը մասնակցում է հատուկ նախագծի ու հաղթանակի հույս ունի:
«Եթե բոլորս համախմբվենք ու հավաքենք անհրաժեշտ գումարը, ապա մեր երգն ամբողջ աշխարհով հայտնի դառնալու հնարավորություն կունենա»,-Instagram-ում գրել է Պրեսնյակովը:
