Թե՛ օրհներգը, թե՛ զինանշանը փոփոխման կարիք ունեն. Տեսանյութ
Հայացք մամուլի ակումբում «Մենք» պետական և ազգային արժեքների հանրահռչակման հիմնադրամի հիմնադիր և գլխավոր տնօրեն Պավել Սարգսյանը խոսեց պետական խորհրդանիշերի կարևորություն և մշակույթի ձևավորուման, օրհներգի փոփոխության հետ առընչվող հարցերի շուրջ:Ըստ Պավել Սարգսյանի թե՛ օրհներգը, թե՛ զինանշանը փոփոխման կարիք ունեն, սակայն զինանշանի դեպքում այն ավելի դժվար կլինի, քանի որ պետությունը բավական մեծ ֆինանսական միջոցներ պետք է ծախսի, բացի այդ զինանշանի համար կան հաստատված չափորոշիչներ,
որոնք ամրագրված են Սահմանադրության մեջ.
«Օրհներգի փոփոխությունը մի քանի օրվա գործ չէ, դրա համար անհրաժեշտ է առնվազն երկու
տարի, ինչպես նաև այն պետք է փոփոխվի միայն մրցութային կարգով, որի անցկացման համար պետք է ձևավորվի հատուկ հանձնաժողով, որը կլինի Կառավարությանը կամ Ազգային ժողովին կից։ Պետք է լինի ընտրության հնարավորություն, այլ ոչ թե սահմանափակվի մեկ տարբերակով»,-ասաց Պավել Սարգսյանը, հավելելով, որ ներկայիս օրհներգը
ունի և՛ դրական և՛ բացասական կողմեր։ Դրականը նրա պատմական անցած ճանապարհն է, սակայն
տեքստի և երաժշտության առումով մի շարք թերություններ կան:
Ամբողջական ասուլիսը Hayacq.com-ի տեսանյութում
