ՀՀ կառավարության հետ համաձայնության չգալու դեպքում Լիդիանը 3 ամսից կդիմի միջազգային դատարան
Hayacq.com-ի տեղեկություններով այսօր Լիդիան ընկերությունը
տեղեկացրել է ՀՀ կառավարությանը, որ Ամուլսարի ոսկու ծրագրի ճանապարհների շարունակական
շրջափակման հետ կապված առաջիկայում հնարավոր է դիմի միջազգային դատարան: Ամիսներ շարունակ «Լիդիան Արմենիան»
դիմում էր ՀՀ կառավարությանը և իրավապահ մարմիններին, սակայն արձագանքներ չլինելու արդյունքում՝ մասնավորապես, Լիդիան Ինթերնեյշնլ Լիմիթեդ ընկերության Lydian UK և Lydian Canada դուստր կազմակերպությունները պաշտոնապես տեղյակ են պահել ՀՀ կառավարությանը, Մեծ Բրիտանիայի և Հյուսիսային Իռլանդիայի Միացյալ Թագավորության և ՀՀ կառավարության միջև, ինչպես նաև Կանադայի և ՀՀ կառավարությունների միջև ներդրումների խրախուսման և պաշտպանության պայմանագրերի շրջանակներում ՀՀ կառավարության հետ վեճերի առկայության մասին:
Տեղեկացնենք, որ համաձայնագրերի շրջանակներում Lydian UK-ը կարող է վեճը ներկայացնել միջազգային արբիտրաժ պաշտոնական ծանուցումից 3 ամիս անց, իսկ Lydian Canada-ն՝ 6 ամիս անց:
Հետաքրքիր է ի՞նչ ընթացք կստանան Լիդիանի և ՀՀ կառավարության միջև քննարկումները, իսկ համաձայնության չգալու դեպքում, ի՞նչ ազդեցություն կունենա այս գործընթացը ՀՀ ներդրումային դաշտի և ՀՀ հեղինակության վրա՝ ցույց կտա ապագան:
