18:00 - Լուկաշենկոն Ուկրաինան անվանել է «Եվրոպայի ընդհանուր դժբախտությունը»         17:21 - «Փորձել են վնասել երեխաների՞ն».ով է Էջմիածնում թափառող շների սպանդ իրականացրել      16:57 - Ոստիկանությունը՝ Իջևանի դեպքերի մասին. Գիշերային ժամերին ձերբակալում    

01 ապր 2019 16:43

Էրդողանը կորցրեց Ստամբուլը

Էրդողանը կորցրեց ՍտամբուլըԹուրքիայի Բարձրագույն ընտրական հանձնաժողովը հրապարակել է Ստամբուլի քաղաքապետի ընտրության վերջնական արդյունքները: Ըստ տվյալների` քեմալական Հանրապետական-ժողովրդական կուսակցության թեկնածու Էքրեմ Իմամօղլուն իշխող «Արդարություն և զարգացում» կուսակցության թեկնածու, երկրի նախկին վարչապետ և ԹԱՄԺ նախագահ Բինալի Յըլդըրըմից առաջ է անցել ընդամենը 27.889 քվեով` ստանալով 4.159.650 ընտրողների քվե:
Հանձնաժողովի նախագահ Սադի Գյուվենը հայտարարել է, որ 31.186 քվեատուփերից 31.102-ի վերաբերյալ տեղեկություններն անբեկանելի են, իսկ 84 քվեատուփ, կուսակցությունների բողոքի հիման վրա, դեռևս հետաքննվում է:
Նշենք, որ Էքրեմ Իմամօղլուն արդեն շնորհավորանքներ է ստանում և իր թվիթերյան էջի` անձնական տվյալների բաժնում, որպես իր զբաղեցրած պաշտոն, նշել է` Ստամբուլի քաղաքապետ. հաղորդում է BBC-ի թուրքական ծառայությունը:
Այսպիսով` Թուրքիայի կարևորագույն 6 խոշոր քաղաքներից 5-ում հաղթում է ընդդիմությունը, և եթե Իզմիրի, Անկարայի պես քաղաքները համարվել են քեմալականների գլխավոր օջախներ, և այնտեղ մշտապես թեժ պայքար է ընթացել իշխանության և ընդդիմության միջև, ապա այս ընտրություններում Ստամբուլի` ընդդիմության ձեռքն անցնելը, Թուրքիայում ահագնացող տնտեսական ճգնաժամի ֆոնին, լուրջ ազդակ է Էրդողանի իշխանության թուլացման համար:

Մեկնաբանություններ

Համընկնող լուրեր