Եթե Հայաստանի վրա ինչ-որ մեկն ատոմային ռումբ նետի, Ռուսաստանն էլ պատասխան ռումբը կնետի. Ռուս փորձագետ
Միջազգային անվտանգության ոլորտում հատուկ մեդիա չափանիշների հետազոտությունների կենտրոնի փորձագետ Իգոր Նիկոլայչուկը մեկնաբանել է Ռուսաստանի դաշնակիցներ Հայաստանի և Բելառուսի փոխհարաբերությունները ՆԱՏՕ-ի հետ:Փորձագետի խոսքով՝ Հայաստանի և Բելառուսի համագործակցությունը Հյուսիսատլանտյան դաշինքի հետ նշանակալի դեր չի խաղում:
«Բելառուսն ու Հայաստանը մեր ռազմավարական դաշնակիցներն են: Մենք այնտեղ հսկայական բազաներ ունենք: Անվտանգության ընդհանուր համակարգ է: Ի՞նչ ՆԱՏՕ կարող է այնտեղ լինել:
Մենք ստորագրել ենք բոլոր փաստաթղթերի տակ, որ եթե ինչ-որ մեկն ատոմային ռումբ նետի Հայաստանի վրա, մենք նույն պահին մեր ատոմային ռումբերը կնետենք ագրեսորի վրա: Եթե հայտնվեն ահաբեկիչներ, մենք ունենք ՀԱՊԿ: Միասին կպայքարենք ահաբեկչության դեմ», — ասել է ռուս փորձագետը pravda.ruպարբերականին տված հարցազրույցում:
