15:56 - Թե ինչպե՞ս է կալանքից ազատ արձակվել «մեծ աղմուկով ձերբակալված» ՊԵԿ պաշտոնյան . Պարզաբանում         15:36 - Տեսանյութ. Թուրքիան գնալով ավելի է ներքաշվում արցախյան հակամարտության հարցում․ Արա Պապյան      15:17 - Աշխարհը խենթացել է.Աֆրիկայում երեխաները սովամահ են լինում, իսկ Աստվածամոր տաճարի վերականգնման համար արդեն 1,2 մլրդ է հավաքվել    

04 ապր 2019 14:00

Տնային կենդանիները երկարացնում են տարեցների կյանքի տեւողությունը

Տնային կենդանիները երկարացնում են տարեցների կյանքի տեւողությունըՏնային կենդանիներ, հատկապես շներ պահելը դրական է անդրադառնում տարեցների առողջության վրա: Նման տվյալներ են պարունակվում «65-ն անց մարդիկ եւ տնային կենդանիները» զեկույցում, որը կազմել է ավագ սերնդի խնդիրների հետազոտման իտալական կենտրոնը:
Մասնագետները հանգել են այն եզրակացության, որ տնային ձեռնասունները բարելավում են 65-ն անց մարդկանց ֆիզիկական եւ հոգեկան առողջության ցուցանիշները: Դրանից բացի, տնային կենդանիներն իսկապես կարող են իրենց տերերի կյանքի տեւողությունը երկարացնել հոգեբանական հարմարավետության եւ ֆիզիկական մեծ տոնուսի հաշվին:
Սա հատկապես վերաբերում է շներին, որոնց տերերը ստիպված են ավելի ակտիվ կենսակերպ վարել եւ ցանկացած եղանակին իրենց ձեռնասուններին զբոսանքի տանել: Մասնագետների կարծիքով՝ հենց այսպիսի զբոսանքները տարեցների համար կարող են փոխարինել ֆիզիկական ծանրաբեռնվածությունները: Արդյունքում՝ շների տերերը 57 տոկոսով ավելի ակտիվ կյանք են վարում, քան նրանց հասակակիցները, որոնք տնային կենդանիներ չեն պահում:

Բարենպաստ գործոն է կողքին «մտերին կենդանի էակ» ունենալը եւ նրան խնամելու անհրաժեշտությունը, դա մարդուն դրական զգացումներ է հաղորդում: Ուշագրավ է, որ այն տարեցները, որոնք տնային ձեռնասուններ են պահում, իրենց կյանքն ավելի առողջ են գնահատում:

Մեկնաբանություններ

Համընկնող լուրեր